Разам з гісторыкам Андрэем Чарнякевічам мы працягваем шпацыр па цікавых мясцінах Гродна. Чарговая гісторыя — пра даліну Літоўскага ручая, які працякае па ўжо амаль страчанаму раёну Падпярэсялка.

Літоўскі ручай мае непаўторны рэльеф і фантастычныя кантрасты: уздоўж ёсць і сапраўдныя халупы і вельмі багатыя катэджы. Усё гэта надае мясцовасці непаўторны гродзенскі каларыт.

Вядомы гродзенскі гісторык Ігар Трусаў у адным са сваіх артыкулаў прыводзіць назву сёння безыменнага ручая, што цячэ праз Падпярэсялку, — Літоўскі ручай. Згодна з Трусавым, упершыню ён сустракаецца ў дакументах яшчэ ў 1498 г. і з’яўляецца такім чынам адным з найстарэйшых тапонімаў у горадзе.

«Наш шпацыр праходзіць уздоўж Літоўскага ручая ў кірунку Пярэселка. Пройдзем ад Нёмана да Праспекта Будаўнікоў. Таксама мы пабачым тэрыторыю былых могілак, якія ў народзе называлі як уніяцкімі, так і татарскімі», — распавёў Андрэй Чарнякевіч.

Віртуальны шпацыр па Гродне: Крэйдавыя горы

Віртуальны шпацыр па Гродне: ля вытокаў Гараднічанкі

Віртуальны шпацыр па Гродне: Гараднічанка ў межах горада

Віртуальны шпацыр па Гродне: Гараднічанка і два яе абліччы

Рэпарцёр, фатограф, краязнаўца. Самы хуткі журналіст Гродна на ровары. Руслана і яго ровар ведаюць многія гараджане: ад чыноўнікаў да бамжоў. Падчас службы ў войску быў разведчыкам, а цяпер даказвае, што выведнік былым не бывае. Працуе ў Hrodna.life з 2013 года, калі сайт яшчэ працаваў пад брэндам «Твой стыль». У канцы 2018 выдаў кнігу «Горад адзін, успаміны розныя», дзе сабраў успаміны гродзенцаў пра 1930−40-я гады.