Напярэдадні старту чэмпіянату Беларусі хакейны «Нёман» правёў адкрытую трэніроўку і сустрэўся з заўзятарамі. Кожны жадаючы 6 верасня мог пагутарыць з хакеістамі, а таксама задаць пытанні кіраўніцтву клуба і прадстаўнікам Цэнтра алімпійскага рэзерву па хакеі з шайбай.
Раніцай каманда сустрэлася з кіраўніцтвам вобласці, дзе гульцам была пастаўлена задача на будучы сезон. Як і папярэднія гады, перад «Нёманам» стаяць самыя высокія задачы — золата чэмпіянату.
На сустрэчы з заўзятарамі першым выступіў старшыня праўлення «Нёмана» Анатоль Варывончык. Начальнік каманды адзначыў, што раней клуб не мог сустрэцца з заўзятарамі з-за шчыльнага графіка. Адзіны вольны час выпаў на раніцу серады 6 верасня.
«Мы правялі годную падрыхтоўку да сезона. Каманда зараз знаходзіцца ў добрым стане, як у фізічным, так і ў гульнявым плане. У апошнія гульні наш клуб вельмі нядрэнна выглядаў на фоне еўрапейскіх лідараў, — распавядае галоўны трэнер „Нёмана“ Сяргей Пушкоў. — Мы працуем у правільным кірунку. Што хацелася б сказаць па складзе: мы памянялі некалькіх гульцоў, але пры гэтым умацаваліся, асабліва ў лініі абароны. Каманда на дадзены момант укамплектавана і гатова да пачатку чэмпіянату».
Адно з пытанняў камандзе i Лядоваму ад заўзятараў: «Цi задавальняе кіраўніцтва клуба і Лядовага палаца наведвальнасць на матчах?»
На пытанне вырашыў адказаць Анатоль Варывончык, які сказаў, што хацелася б каб на матчах збіралася поўная арэна.
«Мы разумеем, што ў нас у чэмпіянаце ёсць верхняя і ніжняя частка каманд і гледачоў больш за ўсё цiкавяць матчы з моцнымі супернікамі. Але, вядома, нам хацелася б на ўсіх матчах бачыць больш заўзятараў, бо каманда гуляе і паказвае добры хакей у кожным матчы».
Прадстаўнікі ЦАР адзначылі, што хацелі бы бачыць запоўненую арэну, такую ж як і на матчах Лігі чэмпіёнаў.
Заўзятары пацікавіліся, што робіцца для таго, каб наведвальнасць на матчах у Гродне павялічылася.
Прадстаўнікі «Нёмана» адзначылі, што прыцягваюць заўзятараў добрай гульнёй, гэтым яны і працягнуць займацца далей. А вось кіраўніцтва Лядовага згадалі, што на працягу апошніх трох гадоў цэны на квіткі ў Гродне яны не падымалі.
Заўзятары у сваю чаргу заявілі, што ў Гродне самыя дарагія квіткі на хакейныя матчы ў Беларусі, а таксама адзначылі высокі кошт абанементаў.
«Ужо мінулі часы, калі перад матчамі „Нёмана“ немагчыма было купіць квіткі. На апошнія гульні ў Гродне, а гэта Ліга чэмпіёнаў, квіткі пачкамі ў сацыяльных сетках разыгрываў БРСМ, — адзначае спартыўны аглядальнік Уладзімір Кульбіцкі. — Браніраванне ўжо нічога не вырашае. У любы момант можна прыйсьці ў касу і купіць квіток на матч».
Атрымліваецца, цікавасць да хакея ў Гродне падае, нягледзячы на тое, што квіткі не растуць у цане. Кіраўніцтва Лядовага шукае спосабы прыцягнення заўзятараў на трыбуны і паабяцала на навагоднія святы разыграць каштоўныя падарункі сярод гледачоў. А вось якія, яшчэ невядома. Напрыклад, апошнія два гады Лядовы разыгрываў квадрацыкл і аўтамабіль, што павялічыла наведвальнасць і продаж абанементаў.
Свой першы матч у новым чэмпіянаце «Нёман» правядзе ў Віцебску 8 верасня, дзе сустрэнецца з мясцовай камандай.
З заяўкай «Нёмана» на чэмпіянат 2017−18 г. можна будзе ў хуткiм часе пазнаёміцца на афiцыйным сайце гродзенскай каманды.
Новы сувенір у выглядзе "раскладанкі" са знакавымі аб'ектамі Гродна ствараюць улады. Яго выканаюць у выглядзе…
Некалькі сотняў Дзядоў Марозаў, Снягурак, сабачак, вавёрачак і разнастайных іншых персанажаў 20 снежня прайшлі ад…
Трохпакаёвая кватэра знаходзіцца на вуліцы Савецкіх Пагранічнікаў. Сцены ў ёй абвешаныя рэпрадукцыямі, дзвярныя праёмы выкананы…
Спецыяльнае праграмнае забеспячэнне для сачэння за актыўнасцю ў камп'ютарах закупляе Гродзенскае агенцтва па дзяржаўнай рэгістрацыі…
У Гродне рэканструююць тэрыторыю, прылеглую да вадаёма па вул. Рэпіна. Там жа ўладкуюць дзіцячую інклюзіўную…
У Гродне адкрылася выстава, прысвечаная мясцоваму ўраджэнцу мастаку Льву Баксту. Экспазіцыю размясцілі ў харальнай сінагозе,…