Першы матч сёлетняга розыгрышу Лігі чэмпіёнаў, дзе «Нёман» прымаў у Гродне 25 жніўня каманду «Вена Кэпіталз», наведаў адзін заўзятар аўстрыйскай дружыны — Хайнц. Мужчына трапіў у Беларусь па візе, яму давялося афармляць усе патрэбныя для ўезду ў краіну дакументы. Нягледзячы на гэта, аўстрыйскі заўзятар застаўся задаволены выездам у Гродна і падзяліўся сваім водгукам з Hrodna.life.
[irp posts="31 692″ name="Ліга чэмпіёнаў: Нёман" у авертайме здолеў вырваць перамогу ў аўстрыйскай «Вены""]
«Я першы раз у Беларусі і вельмі хацеў паглядзець гэтую краіну і горад Гродна, — распавядае Хайнц. — І насамрэч усё добра атрымалася. З квітком на матч у Гродна дапамагло кіраўніцтва нашай каманды. У нас у групе выпала, што трэба гуляць з фінамі, беларусамі і швейцарцамі. Падарожжа ў Беларусь і Фінляндыю вельмі дарагое для заўзятараў маёй каманды, таму сюды мала хто едзе. А вось у Швейцарыю, я спадзяюся, нас адправіцца шмат, бо гэта краіна побач з Аўстрыяй».
Пра бязвізавы ўезд у Гродзенскі рэгіён Хайнц ведаў, але яму давялося замаўляць платную візу, бо так яму параілі бельгійскія сябры і ў амбасадзе.
«Я ведаў пра бязвізавы рэжым у Гродне, але мне прыйшлося ўзяць візу, бо ў беларускай амбасадзе ў Вене атрымаў інфармацыю аб неабходнасці яе для наведвання Гродна. Ды і сябры з Бельгіі спрабавалі трапіць у Гродна без візы, а іх не пусцілі. Вырашыў не рызыкаваць.
Гродна вельмі прыгожы і мілы горад, мне ўдалося наведаць некалькі славутасцяў: замкі, касцёлы і г. д. Уразіла мяне ў Гродне невялікая хакейная арэна, якая на матчы з «Венай» была запоўненая і за кошт гэтага вельмі добра было чуваць заўзятараў. I гэта вялікі плюс. Арэна ў сталіцы Аўстрыі большая за гродзенскую і месціць каля 7 тысяч чалавек. Калі яна запаўняецца напалову, то заўзятараў практычна не чуваць. Так што Гродна за кошт сваёй кампактнасці і выйграе, мне тут спадабалася".
Пра матч у Гродне аўстрыец расказваць не хацеў - яго каманда прайграла. Хайнц толькі адзначыў добры ўзровень гродзенскага хакею і пажадаў «Нёману» поспехаў на арэнах Еўропы.
[irp posts="31 730″ name="Фотарэпартаж: Чырвона-чорныя" заўзятары якія дапамаглі «Нёману» абыграць «Вену""]
Домік для бяздомных катоў з'явіўся ў адным з аграгарадкоў пад Гроднам. У ім ужо пасялілася…
Напярэдадні свят на польска-беларускай мяжы сабраліся чэргі з турыстычных аўтобусаў і легкавых аўтамабіляў. У сацыяльных…
Нацыянальны банк Беларусі рыхтуе да выпуску памятныя манеты, прысвечаныя 200-годдзю Аўгустоўскага канала. Адпаведная інфармацыя з'явілася…
Завадчане працягваюць прыцягвацца па артыкуле 19.11 КаАП. Гэта нягледзячы на неаднаразовыя заклікі перагледзець свае сацыяльныя…
23 снежня ў Рэспубліканскі спіс экстрэмісцкіх матэрыялаў унеслі акаўнты ў Facebook і візуальны матэрыял гродзенцаў…
Сайт і сацсеткі сайта Grodno.in прызналі экстрэмісцкімі. Так вырашыў суд Ленінскага раёна Гродна 20 снежня.…