Сваім каверам гродзенскi спявак MIKITA вырашыў падтрымаць гурт Navi, якi ў гэтым годзе прадставіць Беларусь на Еўрабачанні.
«Маё першае кавер-відэа я прысвячаю гурту, якім вельмі ганаруся. Гэта відэа — мая павага, маё пажаданне ўдачы NaviBand. Такім чынам я хачу выказаць сваю павагу ім за тое, што яны зрабілі. Яны ішлі да гэтага некалькі гадоў і заслужылі ўсё, што з імі адбываецца апошнія некалькі месяцаў», — распавёў Hrodna.life Мікіта Ігнаценка.
Кавер у спевака атрымалася зрабіць хутка і пры гэтым якасна, шмат у чым дзякуючы сябрам.
«Гэта той выпадак, калі ад ідэі да рэалізацыі праходзіць зусім няшмат часу. Я ўжо паспеў засумаваць па сумеснай працы з Дзімам Нiкалаеўцом і студыяй ToneTwins. Дзіма выдатны аператар, хлопцы выдатныя музыканты і мне вельмі пашанцавала, што чарговы раз з’явілася ідэя, над якой усім нам было так цікава працаваць».
