Расследаванне крымінальнай справы аб трагедыі на ААТ «Скідзельскі цукровы камбінат» праводзіць галоўнае следчае ўпраўленне цэнтральнага апарата Следчага камітэта. У бліжэйшыя дні запланавана правядзенне следчых дзеянняў з удзелам прадстаўнікоў кампаніі з Польшчы, якія маюць досвед абслугоўвання абсталявання, якое ўсталявана на прадпрыемстве ў Скідзелі, паведамілі ў прэс-службе СК.
Следчыя ўжо правялі мноства аглядаў, дапыталі дзясяткі супрацоўнікаў камбіната, канфіскавалі і вывучаюць тэхнічную дакументацыю. Супрацоўнікам Дзяржаўнага камітэта судовых экспертыз даручана правесці шэраг складаных экспертыз.
25 лютага на цукровым камбінаце ў Скідзелі пасля выбуху пылапаветранай сумесі апёкі ад 50% цела і вышэй атрымалі 5 работніц ва ўзросце ад 42 да 54 гадоў. Жанчын шпіталізавалі, пазней трох з іх перавезлі ў Рэспубліканскі апёкавы цэнтр у Мінску.
Пазней у шпіталях тры пацярпелыя памерлі: дзве ў Мінску і адна ў Гродне.
