Здароўе і спорт

«Нёман» абыграў «Гомель» у першым паўфінальным матчы Кубка прэзідэнта

У Гродне ў нядзелю 12 сакавіка прайшоў першы матч паўфіналу Кубка прэзідэнта паміж «Нёманам» і «Гомелем». У захапляльнай гульні перамогу атрымалі гродзенскія хакеісты з лікам 5:2.

На працягу ўсяго матчу каманда Сяргея Пушкова кантралявала гульню, было шмат барацьбы i небяспечных нападаў - менавiта тое, што любяць гродзенскія заўзятары.

Першую шайбу «Нёман» закiнуў толькі на 11-й хвіліне. Аляксандр Маляўка пасля перадачы Коршунава дакладным кідком патрапіў у вароты гамяльчан. Другую шайбу гродзенцы закінулі праз 16 секунд, яе аўтарам стаў Кіслы.

Другі перыяд, як і першы, пачаўся з нападаў чырвона-чорных, менавіта гэта і прынесла плён — хуткай шайбай адзначыўся Баярчук. Але «Гомель» імгненна адказаў і размачыў вароты гродзенцаў намаганнямі Саламонава.

Ужо праз хвіліну Баярчук зноў забівае і робіць лiк 4:1 на карысць «Нёмана». Як і першая яго шайба, гэта таксама была закiнута ў большасці. Праз яшчэ хвіліну пасля чацвёртай шайбы «Нёмана», вызначаецца і Вячаслаў Лісічкін.

У канцоўцы другога перыяду госці здолелі закінуць другую шайбу, як апынулася, яна стала апошняй у матчы.

У трэцім перыядзе каманды прадэманстравалі баявы хакей, але вызначыцца нікому не ўдалося. У выніку заканамерная перамога «Нёмана».

«Нёман» — «Гомель» 5:2 (2:0, 3:2, 0:0)

Галы:
11.06 1:0 — А.Маляўка (Коршунаў, С.Маляўка)
11.22 2:0 — Кіслы (Лакканен, Сцяпанаў)
20.44 3:0 — Баярчук (Коршунаў, — бол.)
22.17 3:1 — Саламонаў (Мядзел)
23.53 4:1 — Баярчук (А.Маляўка, Коршунаў, — бол.)
25.04 5:1 — Лісічкін (Рэмезаў)
37.51 5:2 — Коласаў (Заламай, — бол.)

Галоўны трэнер «Нёмана» Сяргей Пушкоў застаўся задаволены гульнёй сваёй каманды ў першым паўфінальным матчы:

«Сёння атрымалася добрая дысцыплінаваная гульня. Баявы настрой, і радуе, што нашы хакеісты рэалізавалі свае моманты. Вынікам я задаволены. Усё натуральна для паўфінальнай гульні. Напруга з першай і да апошняй хвіліны».

Другі паўфінальны матч паміж супернікамі пройдзе ў панядзелак 13 сакавіка.

[irp]

Падзяліцца
Меткі: спорт

Апошнія запісы

У Гродне падаражэў праезд у гарадскім транспарце — і на прыгарадных маршрутах

З 5 красавіка ў Гродне талоны на праезд у гарадскім грамадскім транспарце даражэюць на 10…

4 красавіка 2025

«Інтэр'еры з Pinterest» і «цэны як у Венецыі». У Гродне адкрылі буцік-гатэль The Cult на месцы знесенага гістарычнага будынка

У Гродне на Віленскай, 37 адкрыўся новы буцік-гатэль і рэстаран The Cult - і выклікаў…

2 красавіка 2025

Гронкі кветак, люстэркі і ружовае футра. У Гродне з’явіліся вясновыя фотазоны

Пакуль сады толькі заквітнеюць, ва ўстановах і крамах Гродна падрыхтавалі вясновыя фотазоны. Часта гэта гронкі…

2 красавіка 2025

Старадаўнія падвалы ў цэнтры Гродна прыцягваюць бізнес. Калі памяшканні можна выкарыстоўваць у камерцыйных мэтах?

На Савецкай вуліцы каля 80% падвалаў задзейнічаны пад бізнес, прыводзіць статыстыку газета “Гродзенская праўда”. Пры…

1 красавіка 2025

У Гродне адкрыецца школа барыста — арганізатары хочуць, каб ва ўстановах варылі якасную каву

Уладальнікі гродзенскіх кавярань «Крепкий белый» і «Крепкий черный» запускаюць школу барыста. Летась арганізатары ўжо праводзілі…

1 красавіка 2025

Гродзенец стварыў дакладную копію Фарнага касцёла ў мініяцюры — і друкуе фігуркі на 3D-прынтары

Гродзенец Ігар Апякун канструюе мэблю для круізных лайнераў - стварае прататыпы праз спецыяльную праграму. Ігар…

31 сакавіка 2025