Новы замак расчыніў свае дзверы для ведзьмаў і вампіраў

Больш за сто чалавек наведалі свята ваўкалакаў і нечысці 29 кастрычніка ў Новым замку. Супрацоўнікі музея падрыхтавалі на Хэлоўін эксперыментальнае шоў.

Яшчэ на подступах да замка можна было сустрэць прывіда ля брамы, а таксама прайсціся па «могілках».

У авальнай зале замка прайшло забаўляльнае шоў, пасля чаго арганізатары далі магчымасць наведвальнікам пагуляць па памяшканні, дзе зладзілі шмат розных пляцовак. Усе жадаючыя маглі нанесці сабе грым, «Грэгары Белы» распавядаў гасцям пра картачныя фокусы, у салоне ў Мэрылін можна было спазнаць будучыню. На другім паверсе замка можна было паглядзець фільм і пагуляць у гульні.

[irp posts="2240″ name="Страшная сіла. 12 крокаў да святочнага макіяжу на Хэлоўін"]

«Сярод моладзі Хэлоўін з’яўляецца папулярным святам і ўпершыню мы вырашылі правесці яго ў сценах нашага замка. Свята не толькі для нашых гасцей, але і для супрацоўнікаў. Арганізоўваў ўсё мерапрыемства наш малады склад навукова-асветніцкага аддзела. Напрыклад, акцыя „Ноч у музеі“ праходзіць у нас рэгулярна, магчыма і святкаванне Хэлоўіна гэта пачатак новай традыцыі нашага музея», — распавяла загадчык навукова-асветніцкага аддзела Вольга Макарчук.

[irp posts="2128″ name="Гродзенец зрабіў адмысловыя акуляры і ліхтары да Хэлоўіна і прадае іх на Савецкай"]