Дадаць навіну

Сталі сведкамі падзеі?
Падзяліцеся!

Напішыце навіну

Польскія рэканструктары зноў у Гродне: прыехалі ўшанаваць Баторыя і выступіць перад гараджанамі

Каля 30 рэканструктараў, якія займаюцца часамі Стэфана Баторыя, а таксама ранняга сярэднявечча, прыехалі ў Гродна з Польшчы 13 ліпеня. За час свайго чатырохдзённага візіту яны плануюць бліжэй пазнаёміцца з Гродна, а таксама выступіць перад гараджанамі.

Увечары першага дня рэканструктары ўжо пачалі выбудоўваць лагер каля Новага замка. Ужо тады гараджане маглі пазнаёміцца з некаторымі гасцямі. Для большасці рэканструктараў гэта не першы побыт у Гродне — яны ўжо былі тут у снежні 2016 года.

«Нас доўга на мяжы трымалі, але нічога — галоўнае, што мы прыехалі, — распавядае рэканструктар з пад Варшавы Барташ Седляр. — Заўсёды рады прыехаць у гэты выдатны горад, у якім жыў кароль Стэфан Баторый. У першую чаргу ў Гродна прыязджаем, каб ушанаваць яго памяць, а ўжо пасля выступаем для людзей. Нам гэта падабаецца, мы робім гэта дзеля ідэі».

Чытайце яшчэ:  Толькі выпіваў і памёр? Што насамрэч зрабіў Стэфан Баторый для Гродна

Барташ  Седляр заўважае, што хоць гродзенскі замак Баторыя сёння выглядае не вельмі добра, для іх гэта не галоўнае. Галоўнае, што кароль быў тут і тут праходзілі сур’ёзныя падзеі звязаныя з нашай гісторыяй. Польскія госці радыя былі б, каб замак прывялі ў парадак. У Польшчы з гістарычнай спадчынай справы ідуць лепей, бо на гэта ёсць грошы, кажуць палякі.

Чытайце яшчэ:  Праблемы аднаўлення палаца Баторыя абмеркавалі на “Сустрэчы сяброў музея”

У пятнiцу, 14 лiпеня, рэканструктары будуць адпачываць. Асноўныя мерапрыемствы — паказы баёў, выступленні лучнікаў і іншае — пройдуць 15 ліпеня на тэрыторыi Новага замку.

Чытайце яшчэ:  Гродзенцы не супраць помніка Баторыю, але не вельмі ведаюць, хто ён такі

Раім пачытаць

Каментары

comments powered by HyperComments