Былы клуб «Stop Line» прадалі. Успамінаем па фота, якім ён быў

Начны клуб Stop Line на аўкцыёне выкупіў дырэктар рынку «Карона» Кірыл Дарашук, паведамляе «Вечерний Гродно». Праз тры гады там будзе офісны цэнтр, а цяпер Hrodna.life сабраў фатаграфіі з клуба, які ў Гродне называюць легендарным.

Прадалі з чацвёртай спробы

Аўкцыён адбыўся з чацвёртай спробы. Кошт знізілі на 70%. На старце апошніх таргоў ён склаў 384 530 рублёў і падняўся да 404 000 рублёў. Для рэканструкцыі будынка былога клуба пад «сучасныя і камфартабельныя офісы» ўжо рыхтуюць праект. Паводле ўмоў аўкцыёну, аб’ект павінен пачаць працу на працягу трох гадоў. Новы ўладальнік збіраецца перарабіць былы клуб у аб’ект офісна-дзелавога прызначэння.

А магла б быць «Крученая сиська»…

Заснаваў установу і кіраваў ёй Пётр Рацкевіч. У клубе яго называлі «дзядзька Пеця».

Дзядзька Пеця распавядаў, што хацеў назваць клуб «Крученая сиська», але — мама не дазволіла. Таму спыніўся на назве «Stop Line». Сімвалам установы стала акула.

Гэты клуб праіснаваў у Гродне амаль 18 гадоў. Тут праходзіў фестываль «Три шурупа», а на дыскатэках працаваў жывы куток.

Па фатаграфіях са «Stop Line» можна вывучаць гісторыю моды і крутасці. Галоўнае — калі знойдзеш там сябе, дзецям фоткі не паказваць.

Чытайце таксама: У Гродне зноў спрабуюць прадаць былы клуб Stop Line