Спадчына

Помнік Леніну і паштамт. Чым у 1970-х прываблівалі турыстаў у Гродна

«С каждым годом всё больше туристов посещают Гродно — один из древнейших городов Белоруссии» — пісалі пра наш горад на вокладцы паштовак, выпушчаных у 1979 годзе. Hrodna.life паглядзеў, чым прыцягвалі турыстаў у Гродна ў часы СССР.

Усяго ў камплекце 12 паштовак. На кожнай нейкая славутасць горада.

Першы ў спісе — бронзавы помнік правадыру сусветнага пралетарыяту, заснавальніку першай у свеце дзяржавы рабочых і сялян Уладзіміру Ільічу Леніну.

Далей па спісе — абеліск у гонар «воінаў-вызваліцеляў верасня 1939 года». Далей — помнік Сакалоўскаму. У апісанні да паштовак значная частка тэксту прысвечана тэме ВАВ.

Аўтары не забыліся згадаць пра дасягненні савецкай улады: «За годы послевоенных пятилеток Гродно вырос в большой промышленный, культурный и административный центр Принеманского края». Насельніцтва горада ў той час налічвала каля 200 тысяч чалавек.

З архітэктурных аб’ектаў у наборы — галоўны корпус ГрДУ імя Янкі Купалы. У апісанні да фота напісана, што Гродна — горад студэнтаў і вучнёўскай моладзі.

Ёсць паштоўка з будынкам драматычнага тэатра. Праўда, на фота не звыклы нам тэатр на Маставой, а сучасны будынак тэатра лялек. Гэта не памылка — менавіта там раней знаходзіўся драмтэатр.

Галоўпаштамт у апісанні назвалі будынкам, які ўпрыгожвае адну з вуліц у цэнтры горада. Таксама адзначана, што ў ім шмат святла і паветра.

На іншым здымку можна паглядзець на кінатэатр «Гродна». Гэтая паштоўка — адзіныя, на якіх можна ўбачыць што-небудзь з тых помнікаў архітэктуры, якія ў наш час сапраўды карыстаюцца попытам у турыстаў.

У апісанні паштоўкі з кінатэатрам сказана: «Гродно ярко отразил различные стили и направления многих столетий. Современным проектировщикам и архитекторам города удалось найти такое решение новых застроек, которое позволяет слить воедино старое и новое».

Яшчэ адна славутасць — помнік-танк на Савецкай плошчы. Яго і сёння любяць турысты.

«Народ і партыя адзіныя» — такі лозунг у тыя гады быў размешчаны на даху палаца культуры тэкстыльшчыкаў. Сёння палац нават даху не мае — ідзе маштабны рамонт.

У наборы знайшлося месца і помніку Элізе Ажэшцы. Яе ў савецкі час лічылі ледзь не камуністкай і пра помнік клапаціліся.

Акрамя гэтага патэнцыйным турыстам расхвальваюць турбазу «Нёман» і гасцініцу «Беларусь».

Турыстам, каб больш даведацца «об историческом прошлом города и его настоящем дне, об огромных успехах, социально-культурных преобразованиях, произошедших здесь за годы Советской власти», раілі азнаёміцца ​​з экспазіцыяй гісторыка-краязнаўчага музея.

«Гродненский областной Совет по туризму и экскурсиям приглашает посетить прекрасный город на Немане», — такімі словамі сканчалася апісанне камплекта.

А вы, паглядзеўшы такія паштоўкі, захацелі б наведаць Гродна?

Падзяліцца

Апошнія запісы

«Каб цябе пярун забіў!» Як неверагодны пярун 90 гадоў таму трымаў у страху Гродзеншчыну

“Каб цябе пярун забіў!” - адзін з найбольш вядомых беларускіх праклёнаў. У 1934 і 1935…

22 красавіка 2025

Гродзенцы адкрылі грыбны сезон. Дзе ў вобласці шукаць смаржкі і іншыя грыбы?

З надыходам цяпла ў заходніх рэгіёнах Беларусі - Гродзенскай і Брэсцкай абласцях - сталі з'яўляцца…

22 красавіка 2025

Аліўкавыя, залатыя і мармуровыя яйкі. Трэнды Tik Tok на Вялікдзень 2025

Змяшаць два знаёмыя спосабы афарбоўкі яек і атрымаць аліўкавы колер, знайсці спосаб з дапамогай хімічнай…

17 красавіка 2025

«Усё жыццё мару, што нехта са сваякоў знойдзецца». Гродзенка расказала, як пасля вайны не змагла з’ехаць у Польшчу і трапіла ў Казахстан

Яніна Міхайлаўна Земба нарадзілася ў Гродне ў 1934 годзе. Падчас нямецкай акупацыі яе маму вывезлі…

10 красавіка 2025

Мільярды еўра — Варшаве, мільёны — Мінску. Параўналі, як Польшча і Беларусь выкарыстоўвалі еўрапейскія гранты

«Еўрасаюз нам не патрэбен!» Гэты наратыў папулярны не толькі ў беларускай прапаганды, але і ў…

9 красавіка 2025

Як з беларускіх зямель даплывалі да Амерыкі 100 год таму: расказвае падкаст «Зямля свабоды»

У пошуках лепшага жыцця тысячы людзей выязджалі з беларускіх зямель больш за сто год таму.…

9 красавіка 2025