Навіны

«Паліцэйскі» пачынаецца, «Ёлкі» сканчаюцца: Каляды ў прэм’ерах расійскіх камедый і амерыканскіх мульцікаў

Расказваем, што выходзіць у пракат напярэдадні каталіцкіх Каляд і ці варта на гэта ісці.

«Полицейский с Рублёвки: Новогодний беспредел»

Цяжка разбірацца ў папулярнасці таго ці іншага фільма/серыяла, але серыял «Паліцэйскі з Рублёўкі» такім назваць можна. Пра яго кажуць, гумар падабаецца гледачу, яго глядзяць ужо 4 сезоны. Серыял пра аддзяленне паліцыі ў Барвісе пайшоў па шляху іншага паспяховага шматсерыйнага прадукту — «Кухня», які ў свой час таксама выпусціў на хвалі масавай цікавасці поўнаметражны працяг.

www.youtube.com/watch?v=kIs7IxwBeEk

«Паліцэйскі з Рублёўкі», маючы небывалую глядацкую падтрымку і наяўнасць ранейшага акцёрскага складу (Пятроў, Буруноў, Борціч), становіцца галоўнай навагодняй прэм’ерай. Акрамя фільма-аналага «Ёлкі» больш нічога «Паліцыянту» не будзе перашкаджаць працаваць. Канкурэнтаў разагналі па іншых прэм’ерным днях, а «Ёлкі» аўтары «Паліцэйскага» паспяхова «накаўтавалі» яшчэ ў сваіх трэйлерах. Народная любоў да «Паліцэйскага з Рублёўкі» даказаная: у Гродне на першых сеансах свабодных месцаў не было!

«Ёлки последние»

Іншая расійская камедыя будзе сёмы раз спрабаваць падарыць веру ў навагодні цуд. «Простыя гісторыі пра галоўнае» з тварам Урганта і Светлакова ўжо 8 гадоў прымушаюць верыць не ў навагоднюю казку, а ў тое, што «Ёлкі» не скончацца ніколі. А пара б ужо.

www.youtube.com/watch?v=6onsXOFOnSg

Выкрывальніцкія агляды ў інтэрнэце, падзенне глядацкіх адзнак пасля кожнага фільма, заключныя часткі наогул не прапаноўвалі нічога новага. Банальная страта цікавасці да фільма прымушае прадусараў казаць аб спыненні вытворчасці пасля сёмай часткі. Паверым?

«Грынч»

Ад аўтараў анімацыйных стужак «Міньёны» і «Таемнае жыццё хатніх жывёл» выходзіць мультфільм «Грынч». У амерыканскім пракаце мультфільм удала бавіць час дзякуючы тамтэйшай папулярнасці зялёнага злыдня. У нас жа «выкрадальнік Калядаў» вядомы дзякуючы фільму 2000 года з Джымам Кэры. І толькі дзякуючы яму. Таму набегаў дзятвы на сеансы чакаць не варта.

www.youtube.com/watch?v=SWVP3gYT0yc

Тым, хто ўсё ж дойдзе, анімацыя прапануе амаль класічную гісторыю з наборам пахабных жартаў і мілым злыднем. Асабліва павінны быць рады гледачы, незнаёмыя зусім з гісторыяй Грынча. Мультфільм здольны падарыць навагодні настрой дзіцяці. Ну, а даросламу? Будзе залежаць ад яго самога.

«Эліёт»

Таксама на экранах Гродна яшчэ адзін навагодні мульцік — «Эліёт». Гэта гісторыя пра каня і яго памкненні заняць месца навагодняга аленя ў запрэжцы Санта Клаўса. Канадская анімацыя не валодае камерцыйнымі прэтэнзіямі амерыканскага «Грынча» і не можа паспрачацца з ім у колькасці пахабных жартаў. Але «Эліёт» выглядае нашмат дабрэйшым.

www.youtube.com/watch?v=tj2TpeFaQMY

Падзяліцца

Апошнія запісы

Тры Белавежскія пушчы. Як агароджы на мяжы змяняюць лес і жывёльны свет у Беларусі, Польшчы і паміж платамі

Белавежская пушча сёння раздзеленая не на дзве, а насамрэч на тры часткі: беларускую, польскую і…

31 сакавіка 2025

«Трэнд — мацоўня, здароўе». Задалі адны і тыя ж пытанні металістам з Беларусі і Польшчы

Ужо некалькі дзесяцігоддзяў метал-музыка аб'ядноўвае людзей не толькі адных музычных прыхільнасцяў, але і падобнага светапогляду.…

26 сакавіка 2025

У гродзенскім ГЦ развяліся прусакі. Куды звяртацца, калі заўважылі насякомых у кафэ ці ў сябе дома

У ГЗК Triniti гродзенцы заўважылі прусака — насякомае бегала па канапе ў зоне фуд-корту. Hrodna.life…

26 сакавіка 2025

«Магчыма, будзе і новы матэрыял». Вакаліст гурта Ulis Слава Корань расказаў, як эміграцыя не дае яму пісаць

Беларускі гурт Ulis праіснаваў больш за 20 гадоў. Яго спадчына жыве - музыканты робяць каверы,…

20 сакавіка 2025

«Мама выпісвала фальшывыя дакументы і дапамагала трапіць у Польшчу». Рэпатрыянтка — пра дзяцінства ў Гродне і эміграцыю ў 1946-м

Крысціна Мішчук (Пянткоўская) нарадзілася ў 1933 годзе ў Гродне ў сям'і мясцовай інтэлігенцыі. Каталічка. Тата…

18 сакавіка 2025

«Мая зямля — што хачу, тое і раблю». З’ездзілі ў польскую вёску ля мяжы з Беларуссю, куды стараста запрашае жыць усіх ахвотных

У 500 метрах ад плота, узведзенага на польскім баку мяжы з Беларуссю, стаіць вёска Азяраны…

17 сакавіка 2025