Уявіце: прыехалі ў Гродна на дзень і вырашылі застацца на тыдзень. Што паглядзець і куды пайсці - глядзіце на нашай карце. А ніжэй гартайце, каб даведацца, дзе можна камфортна пажыць.
Хостэлы
«Hello, Grodno!», вул. Гараднічанская, 30
Хостэл «Hello, Grodno!» існуе з 2013 года. Гэта першы ў Гродне хостэл. Ёсць тры спальныя пакоі, каля 80 м² агульнай плошчы і двухпавярховыя ложкі. Стандартна ў памяшканні ёсць прыбіральня, душ і кухня. Пакоі разлічаны на 8, 6 і 4 чалавекі. Ёсць Wi-Fi, тэлефон і тэлевізар. Каштуе адно месца менш за 10 долараў.
«Kip Town», вул. Маркса, 11
У 2018 у Гродне пачаў працу хостэл «Kip Town». Ён зусім невялікі - разлічаны ўсяго на 10 чалавек: на невялікія групы і адзіночных турыстаў. Цана за месца — каля 15 рублёў, а для груп можа быць яшчэ танней. Пяць двухузроўневых ложкаў знаходзяцца ў адным вялікім пакоі.
У кухні ёсць неабходны набор посуду і тэхнікі (мікрахвалевая печ, электрачайнік, кававарка, халадзільнік). Стойка рэгістрацыі працуе кругласутачна. У двары бясплатная паркоўка.
«Сарматыя», вул. Маркса, 11
Гэты хостэл адкрыўся ў той самай камяніцы, што і «Kip Town», у канцы 2017 года. «Сарматыя» можа прыняць да 26 чалавек адначасова. Цана за месца каля 10 еўра. Тут некалькі пакояў з двухпавярховымі ложкамі, сталовая, прыбіральні, душавыя, а таксама стаянка на 7 месцаў, дзе змогуць паркавацца і аўтобусы.
Ёсць агульная кухня з посудам, мікрахвалевая печ, тостар, халадзільнік і маразільнік. Для гасцей ёсць сейф. У некаторых нумарах ёсць тэлевізары, чайнікі, шафы. Плюс агульная лаўндж-зона з тэлевізарам.
«Old Bridge», вул. Разанава, 34
Вялікі дом у прыватным сектары ў раёне тытунёвай фабрыкі. У будынку ёсць яшчэ кафэ «Стары Мост». Ёсць бясплатны Wi-Fi, паркоўка. З рэсэпшна вам выклічуць таксі або прададуць сродкі гігіены/бытавую хімію, калі трэба. Ёсць нумары «Эканом» ад 14 рублёў, «Стандарт» ад 15, «Павышанай камфортнасці» ад 40.
Хостэл «Цэнтр», вул. Савецкая, 6
Новы хостэл на пешаходнай вуліцы Савецкай у будынку былога кляштара-гімназіі 18 стагоддзя. Пачаў працу ў 2019 годзе. Першы і адзіны ў Гродне капсульных хостэл, дзе замест ложка — ніша ў сцяне. Свежы і даволі стыльны рамонт, выдатны выгляд з вокнаў на гістарычны цэнтр.
Да паслуг гасцей кругласутачная стойка рэгістрацыі і бясплатны Wi-Fi. У нумарах ёсць пісьмовыя стол, шафы і тэлевізары. Ёсць прасторная абсталяваная кухня.
Цана за месца — 32 руб. (13 еўра)
Пакой адпачынку на чыгуначным вакзале
Пакоі адпачынку размешчаны на трэцім паверсе будынка чыгуначнага вакзала. Паслугі - Wi-Fi, прас, фен, мікрахвалевая печ, электрачайнік, халадзільнік, кандыцыянер, пасцельная бялізна, ручнікі, аптэчка, паслугі па пераносцы ручной паклажы, тэлевізар. Можна засяліцца на палову сутак ці на суткі.
Цана: ад 14,50 да 48 рублёў. На палову сутак — ад 8,34 да 27,60 рублёў
Кватэры
Зняць кватэру ў Гродне — бюджэтны варыянт для самастойных. Раім спыняцца недалёка ад цэнтра або ў раёнах з добрым транспартным злучэннем. Кватэру можна знайсці па аб’явах у сацсетках або на сайтах, напрыклад, realt.by/grodno-region. Кошт залежыць ад месцазнаходжання і колькасці пакояў. Ад 15 долараў «аднушку» вы цалкам зможаце зняць.
Сэрвіс airbnb прапануе кватэры, кватэры-студыі, гасцявыя дамы і дамы адпачынку. Цана: 45−100 беларускіх рублёў (20−40 еўра, 1300−3000 расійскіх рублёў).
Студыя ў цэнтры
Прасторная кватэра-студыя ў цэнтры Гродна. Размешчана побач з аўтавакзалам. У двары дома забаўляльны цэнтр з кінатэатрам, рэстаранам, боўлінгам і трэнажорная залай. У кватэры ёсць кухонная зона з посудам і электраплітой. Паркоўка, плечыкі, вай-фай.
Цана: 1 775₽ (58 беларускіх рублёў)
Двухпакаёвыя апартаменты
Гэтыя двухпакаёвыя апартаменты размяшчаюцца ў самым цэнтры горада. З вокнаў апартаментаў адкрываецца цудоўны панарамны від на Нёман, касцёлы, замкі і асноўныя славутасці Гродна. Ёсць кухня, фен, тэлевізар, вай-фай.
Цана: 2 826 ₽ (93 беларускіх рублі)
Дом камфортнага адпачынку
У доме: могуць размясціцца больш за 16 гасцей, ёсць 10 спальняў, 16 ложкаў, 6 асобных ванных пакояў. Ёсць камін. Ёсць кухня, паркоўка, басейн, дзіцячы ложак.
Цана: 1 314 ₽ (43 рублі)
Гасцініцы
Апарт-Гатэль «Семашко», вул. Калючынская, 23
Апарт-гатэль «Сямашка» у Гродне адкрыўся восенню 2018 года. Размяшчаецца ў гістарычным цэнтры горада насупраць Фарнага касцёла. Гатэль прапануе 13 прасторных апартаментаў рознай умяшчальнасці.
Вам прапануюць: ахоўваемую паркоўку, Wi-Fi на ўсёй тэрыторыі гатэля, паслугі пральні, пабудку госця ў пэўны час, бясплатны трансфер у саўна-клуб «Аазіс», басейн і трэнажоры, гасцінны персанал. Да паслуг гасцей агульны лаўндж і бар. Усе нумары абсталяваны кандыцыянерам, тэлевізарам з плоскім экранам і спадарожнікавымі каналамі, мікрахвалевай печчу, халадзільнікам, імбрычкам, душам і сталом. Ёсць ванны пакой у кожным нумары.
Цэны: ад 100 да 300 рублёў у залежнасці ад нумара
Сняданак: ва ўсіх пакоях ёсць кухня, вы можаце прыгатаваць яго самі. Або схадзіць у рэстаран «Барашка», які знаходзіцца ў тым жа будынку.
«Амега», вул. Васілька, 40
Гасцініца «Амега» знаходзіцца ў 10 хвілінах хады ад чыгуначнага вакзала і цэнтра горада, літаральна ў двух кротках ад вуліцы Ажэшкі і парку Жылібера. Ёсць 30 двухмесных і аднамесных нумароў. Катэгорыі нумароў: ад стандартнага нумара да катэгорыі люкс. У нумарах ёсць тэлевізар, халадзільнік, тэлефон, туалет, ванная/душ, інтэрнэт (Wi-Fi). Засяленне і высяленне гасцей — кругласутачна. Разліковая гадзіна — 12.00. Бясплатная адмена браніравання, бясплатная паркоўка.
Цэны: 24−62 рублі за чалавека
Сняданак: уключаны ў кошт нумара
«Беларусь», вул. Каліноўскага, 1
У гатэлі зараз ідзе рамонт, але многія пакоі, нягледзячы на гэта, даступныя. У тыпова савецкіх нумарах ёсць санвузел, тэлевізар, тэлефон, халадзільнік. Рэстаран і кафэ ў гасцініцы зачыненыя.
Да гістарычнага цэнтра ад гасцініцы 10 хвілін пешшу. З вокнаў гасцініцы адкрываецца від на цэнтр, а таксама на раён Новы свет.
Размяшчэнне гасцей кругласутачнае. Неахоўваемая паркоўка. Абмен валюты. Камера для захоўвання, сейф. У нумарах — ванна, санвузел, тэлевізар, радыё, тэлефон, халадзільнік, фен (у вышэйшай катэгорыі). У нумарах магчыма размяшчэнне з хатнімі жывёламі.
Цана: ад 16 да 64 долараў
Сняданак: няма
«Турыст», пр-т Купалы, 63
Трохзоркавая гасцініца на 129 нумароў (двухмесныя і аднамесныя). Ёсць камера захоўвання, паркоўка пад аховай, у пакоях wi-fi, тэлевізар і халадзільнік. Здаюцца ў арэнду канферэнц-зала і бізнес-зала.
Цэны: 48−110 рублёў на нумар
Сняданак: ёсць рэстаран, а ў ім сняданак тыпу «шведскі стол»
«Кронан Парк Гатэль», ур. Пышкі, 19
«Кронан» — гэта невялікі гатэль і рэстаран у цэнтры лесапарку Пышкі. Адкрыты ў 2008 годзе. Камфартабельныя нумары класаў Lux і Suite з відам на маляўнічы лес. Інтэр'ер аформлены ў класічным стылі.
У нумарах ёсць — тэлефон, сейф, тэлевізар, радыё, Wi-Fi, CD/DVD прайгравальнік, перахаднік для электрапрыбораў, фен, махровыя халаты з лагатыпам гатэля і тэпцікамі, паслуга «будзільнік», багажная паліца. Ёсць паслугі пральні, абсталяваная аўтамабільная паркоўка, бясплатны трансфер да аўта- і чыгуначнага вакзала або ў цэнтр горада — на плошчу Савецкую і назад штодня з 8:00 да 22:00.
У комплекс «Кронан» уваходзіць рэстаран на 120 месцаў. У меню ўключаны стравы французскай, італьянскай і беларускай кухні, дэсерты. Шэф-кухар — член Расійскай гільдыі шэф-повараў. Ёсць лобі-бар, басейн і саўна.
Сняданак: уключаны ў кошт нумара
«Славія», вул. Маладзёжная, 1
Аднамесныя і двухмесныя нумары з індывідуальнай сістэмай кандыцыянавання. Нумары для тых, хто курыць. Ёсць кафэ, бар, рэстаран. Ахоўная аўтастаянка, сейф і камеры захоўвання багажу. У кошт уваходзіць чыстка, прасаванне, мыццё, хімчыстка і рамонт адзення. А таксама сняданак, ахоўваемая аўтастаянка, інтэрнэт і дадатковыя паслугі гасцініцы. Пражыванне дзяцей да 8 гадоў бясплатна. Ёсць нумары для маладажонаў.
Сняданак: уваходзіць у кошт нумара
«Нёман», вул. Баторыя, 8
Прапануецца 59 аднамесных і двухмесных нумароў. У іх: кандыцыянеры, электронныя замкі, сучасная мэбля, вялікія ложкі, тэлевізары, Wi-Fi. Ахоўваемая стаянка на 70 месцаў. У наяўнасці два нумары для людзей з інваліднасцю.
Сняданак: 4 варыянты, якія можна паглядзець на сайце, уваходзіць у кошт нумара
«Сямашка», вул. Антонава, 10
Гэта прыватная гасцініца на 41 нумар, размешчаная насупраць аўтавакзала. У сэрвіс гасцініцы ўваходзіць рэстаран, бар, саўна, басейн, спадарожнікавае тэлебачанне, інтэрнэт, міжнародная тэлефонная сувязь, кандыцыянер, халадзільнік, сейф, трэнажоры, бясплатнае пражыванне дзецям да 8 гадоў, прадастаўленне ложачка дзецям да 3 гадоў.
Сняданак: шведскі стол, уваходзіць у кошт нумару
Drive Hotel, вул. Аўтамабільная, 13
«Драйв Гатэль» — гэта 11 нумароў для размяшчэння 15 гасцей, турыстаў і камандзіровачных. Даступныя 7 аднамесных і 4 двухместных нумары. Амаль ва ўсіх нумарах ёсць асобныя прыбіральні.
У кожным нумары ёсць TV, свабодны доступ да Wi-Fi і электрачайніка. Два нумары падвышанай камфортнасці дадаткова абсталяваны халадзільнікамі і мікрахвалёўкай. Пры гасцініцы ёсць бясплатная паркоўка з відэаназіраннем.
Сняданак: ёсць агульная кухня, дзе яго можна прыгатаваць
«Спорт», вул. Камунальная, 3
Гасцініца «Спорт» другой катэгорыі ў гродзенскім спартыўным комплексе «Нёман». 15 двухмесных, 2 трохмесныя і 1 пяцімесны нумар. Усе пакоі абсталяваны тэлевізарам, халадзільнікам, санвузлом з душавымі кабінамі.
Бясплатная аўтастаянка, побач на тэрыторыі стадыёна размешчана кафэ «Арэна», спартыўныя пляцоўкі, тэнісны корт. Можна скарыстацца паслугамі саўны і лазні. У будынку комплексу трэнажорная зала, зала гімнастыкі, зала харэаграфіі.
Цана: за месца — 17−26 рублёў, за нумар — 52−85 рублёў
Сняданак: не ўключаны ў кошт нумара
«Прывал», вёска Пышкі
Гасцініца класа люкс на беразе Нёмана ў базе адпачынку «Прывал» у 15 хвілінах язды ад Гродна. Ёсць як люксавыя нумары, так і нумар-студыя прасцей, а яшчэ недарагі пакой-хостэл.
Увесь нумарны фонд класа люкс абсталяваны сучаснай тэхнікай: Wi-Fi, спадарожнікавае ТБ, кандыцыянер, фен і інш. Для дадатковага камфорту ў нумарах ёсць зручныя ложкі з артапедычнымі матрацамі, касметыка, халаты, тэпцікі. Кантынентальны сняданак ужо ўключаны ў цану нумара класа люкс.
