Дадаць навіну
Чацвер, 15 лістапада 2018, 21:05

Дзе ў Гродне турысту смачна з’есці – 2. Гайд для замежных турыстаў з ацэнкай у аленях (cвятога Губерта)

Гэтым разам мы выбралі кафэ “Хатэй”, кавярні “У доме Хона Піка” ды “Ці&Кава” і бар “Карчма”. Мы не прэтэндавалі на тое, каб ахапіць увагай усе аспекты дзеяння ўстановаў і даць канчатковую экспертную ацэнку іх працы. Наш рэйтынг — гэта спроба праверыць, наколькі замежніку ўтульна і камфортна ў гродзенскіх кавярнях.

Для аб’ектыўнасці мы распрацавалі ўласную шкалу ацэнкі. За крытэрыі ўзялі:

— наяўнасць меню на англійскай мове;

— валоданне афіцыянтамі англійскай мовай;

— наяўнасць wi-fi;

— магчымасць аплаты карткай;

— якасць ежы і напояў (выключна суб’ектыўнае меркаванне ўдзельнікаў);

— музыка і інтэр’ер.

Для ацэнкі ўзроўню сервісу замест зорак Мішлена выкарыстоўвалі Аленяў cвятога Губерта. Максімальная ацэнка за любы паказчык — 5 аленяў, мінімальная — 1 алень.


У першай частцы гайда мы наведалі гастра-бар «Вердэн», кавярню «Я», «Рэтра-піцу», «Раскошу», «Камунарку» і «Стары горад».

Чытайце яшчэ:  Дзе ў Гродне турысту смачна з'есці. Тэст установаў харчавання з ацэнкай у аленях Святога Губерта

Дзе ў Гродне турысту смачна з’есці - 2. Гайд для замежных турыстаў з ацэнкай у аленях (cвятога Губерта)

Кафэ “Хотей”. “Под пивко” будзе добра і так

“Хотей” нядаўна адкрыўся на месцы легендарнай у Гродне “Чабурэчнай”, але чабурэкаў мы там не знайшлі. У меню былі сушы, піца, напоі ды дэсерты.

Дзе ў Гродне турысту смачна з’есці - 2. Гайд для замежных турыстаў з ацэнкай у аленях (cвятога Губерта)

Меню на англійскай установа не мае. А цікава было б даведацца, як бы яны пераклалі “ролл под пивко”. Прынамсі, з піва кафэ прапануе “Аксамитное темное”. Keep calm ды лупіце на трасянцы ў “Хотей”.

Дзе ў Гродне турысту смачна з’есці - 2. Гайд для замежных турыстаў з ацэнкай у аленях (cвятога Губерта)

Афіцыянт Кірыл трохі разумеў па-англійску, таму змог прыняць замову. “Хотей” мае ўласную сетку wi-fi і туалет, які быў чамусьці зачынены. Памяшканне нанова адрамантаванае, грае прыемная музыка, таму не дзіва, што ў залі шмат наведвальнікаў.

Як слушна заўважыў адзін з турыстаў, “Хотей” адсутнічае ў сацыяльнай сетцы Фэйсбук. Таму пакінуць водгукі замежныя турысты могуць хіба што ў Інстаграме, бо сеткай ВКонтакте карыстаецца ў асноўным рускамоўная моладзь.

Да якасці ежы і напояў пытанняў мы не мелі, яны суадносяцца з цэнамі.

Дзе ў Гродне турысту смачна з’есці - 2. Гайд для замежных турыстаў з ацэнкай у аленях (cвятога Губерта)

Аднак да самай смачнай піцы і сушы ў горадзе “Хотею” яшчэ ёсць куды цягнуцца. Таму ўстанова атрымлівае 3,8 аленяў святога Губерта з пяці.

Дзе ў Гродне турысту смачна з’есці - 2. Гайд для замежных турыстаў з ацэнкай у аленях (cвятога Губерта)


Кавярня “У доме Хона Піка”. Дэсэрты смачныя, а кава – не вельмі

Кавярня знаходзіцца ў самым цэнтры горада, таму мае ўсе шанцы прывабіць замежнага турыста. Утульны стылёвы інтэр’ер, грае прыемная музыка, за суседнімі столікамі гродзенцы няспешна п’юць каву ды глядзяць у смартфоны. Як пажартаваў адзін з турыстаў нашай групы, адчуваеш сябе як у Еўропе, а не на вуліцы Савецкай!

Дзе ў Гродне турысту смачна з’есці - 2. Гайд для замежных турыстаў з ацэнкай у аленях (cвятога Губерта)

Але на гэтым плюсы ўстановы скончыліся: меню на англійскай мове кавярня не мае, дзяўчаты па-англійску ўвогуле не разумелі, wi-fi для наведвальнікаў няма. Ёсць туалет, дзякуй і на гэтым.

Дзе ў Гродне турысту смачна з’есці - 2. Гайд для замежных турыстаў з ацэнкай у аленях (cвятога Губерта)

Смак кавы таксама пакідаў жадаць лепшага, але мы адзначылі, што дэсерты ў “Доме Хоне Піка” сапраўды смачныя. Варта пакаштаваць! А пакуль “Кавярня ў доме Хона Піка” атрымлівае 2,8 аленя з пяці.

Дзе ў Гродне турысту смачна з’есці - 2. Гайд для замежных турыстаў з ацэнкай у аленях (cвятога Губерта)


Бар “Карчма”. За базар адказваюць

Прыемна адзначыць, што “Карчма” робіць пэўныя крокі да беларускасці: на століках прыгожа засцелены традыцыйныя рушнікі, бар прапануе турыстам пачаставацца “смакамі старой Гародні”. “Карчма” мае меню на англійскай і на польскай мовах, але афіцыянт Андрэй размаўляў выключна па-руску.

Дзе ў Гродне турысту смачна з’есці - 2. Гайд для замежных турыстаў з ацэнкай у аленях (cвятога Губерта)

Цікава адзначыць, што ў залі ціха гралі замежныя хіты 90-х: я пазнала California love і Come along with me. Меркаваннем аднаго з замежных гасцей, заходняя поп-музыка той эпохі заўсёды лепш за рускую папсу таго ж часу. Слушная заўвага. Ад сябе дадам, што музычны густ “Карчмы” расце.

Дзе ў Гродне турысту смачна з’есці - 2. Гайд для замежных турыстаў з ацэнкай у аленях (cвятога Губерта)

Але цалкам развітацца з блатной атмасферай 90-х тут пакуль не хочуць: у меню сустракаюцца “Крылышки по блату” и “Птичий базар”. Адзін з турыстаў нашай групы выказаў думку, што гэта месца можа быць любімым сярод супрацоўнікаў праваахоўчых органаў і КДБ. Вырашылі размаўляць цішэй.

“Карчма” здзівіла замежнікаў памерам порцый і якасцю страваў: маўляў, у суседняй Літве такое б каштавала ў 2-3 разы даражэй! На жаль, “Карчма” не мае wi-fi, таму атрымлівае ад нас толькі 3,8 аленя. У натуры, не благі вынік.

Дзе ў Гродне турысту смачна з’есці - 2. Гайд для замежных турыстаў з ацэнкай у аленях (cвятога Губерта)


Кавярня “Ці&Кава”. Nice to talk to you

“Ці&Кава” не мае меню на англійскай мове, але барыста Влад няблага ведае мову. Варта адзначыць, што моладзь у Беларусі не вельмі добра валодае замежнымі мовамі ў параўнанні з прыбалтамі ды палякамі, гэта прызнаюць таксама і турысты. Таму было асабліва прыемна замовіць кубачак кавы па-англійску, а не “на мове жэстаў”. Кава турыстам спадабалася.

Дзе ў Гродне турысту смачна з’есці - 2. Гайд для замежных турыстаў з ацэнкай у аленях (cвятога Губерта)

Таксама адзначылі, што ў “Ці&Каве” адчуваюцца city vibes – гарадскія флюіды. У кавярні ёсць wi-fi. Агулам яна набрала ў нашай шкале 4,3 аленя з пяці.

Дзе ў Гродне турысту смачна з’есці - 2. Гайд для замежных турыстаў з ацэнкай у аленях (cвятога Губерта)

Месца, вартага адзнакі ў 5 аленяў, гэтым разам знайсці не атрымалася. Спадзяемся, нам пашанцуе наступным разам.

Агульны рэйтынг другога агляду выглядае наступным чынам:


Чытайце яшчэ:  У Гродне выдалі карту-трансформер для турыстаў з гідам аленем Лявонам

ТУРЫСТЫЧНАЯ КАРТА ГРОДНА – “ЗРОБЛЕНА ТУТЭЙШЫМІ”

Калі вы знайшлі ў тэксце памылку або абдрукоўку, калі ласка, паведаміце нам, выбраўшы адпаведны фрагмент і націснуўшы клавішы Ctrl+Enter.

Раім пачытаць

Каментары

comments powered by HyperComments

Spelling error report

The following text will be sent to our editors: