Многія старыя дамы ў Гродне праходзяць праз гэта — пасля адсялення жыхароў іх сцены гадамі пустуюць. Тыя, хто жыў у 100-гадовых камяніцах, атрымліваюць новыя кватэры, а былое жытло, закінутае, паволі чакае або зносу, або рэканструкцыі - як пашанцуе.
Карэспандэнт Hrodna.life сфатаграфаваў, як камунальныя службы чысцяць старыя кватэры на вуліцы Савецкай. Апошнім часам у гэтым месцы жылі валацугі, а неўзабаве тут могуць з’явіцца офісы.
Сярод смецця ў прасторных пакоях можна знайсці цікавыя рэчы. Кнігі, фатаграфіі ды іншае — і ўсё гэта мае сваю гісторыю.
