Гадзіннік на гродзенскай кірсе з’явіцца летам. Алтар прывязуць з Германіі, калі не перашкодзіць пандэмія

Распаўсюджванне каранавіруса і закрытыя межы адкарэктавалі планы па мантажы новага алтара і гадзінніка на гродзенскай кірсе. У 2020 годзе лютэранская абшчына Гродна адзначае 25-годдзе вяртання храма вернікам.

Рамонтам стогадовага гадзінніка, які размяшчаўся на вежы кірхі, на працягу года займаўся майстар з Магілёва Генадзь Галоўчык. Цыферблаты ўжо ў Гродне, яны захоўваюцца ў склепе кірхі, а адноўлены гадзіннікавы механізм усё яшчэ знаходзіцца ў майстра.

«Гадзіннік цалкам гатовыя для ўстаноўкі. Засталося толькі прывезці яго з Магілёва і дачакацца мецэната з Германіі, каб правесці цырымонію адкрыцця пасля рэстаўрацыі. Сёння зачыненыя межы і калі адчыняць, ніхто не ведае. Будзем чакаць. Мы хацелі паказаць адноўлены гадзіннік гродзенцам да фестывалю нацыянальных культур. Але яго адмянілі», — кажа пастар лютэранскай кірхі Уладзімір Татарнікаў.


Чытайце таксама: Дыры от пуль в циферблате: как реставрируют башенные часы лютеранской кирхи


Ініцыятарам і спонсарам рэстаўрацыі гадзінніка на вежы кірхі выступіў былы прыхаджанін з Гродна Віталь (у абшчыне кажуць, што ён не хоча станавіцца публічнай фігурай, таму не называюць яго прозвішча). Цяпер ён жыве ў Нямеччыне. Нягледзячы на ​​нявызначанасць з распаўсюджваннем эпідэміі каранавіруса і перспектывамі адкрыцця межаў, запусціць вежавы гадзіннік плануюць у канцы лета.

Новы алтар

Акрамя гадзінніка ў рамках рэстаўрацыі ў кірсе з’явіцца і новы алтар. Мяркуецца, што ў выпадку хуткага адкрыцця межаў, алтар даставяць з Германіі ў жніўні 2020 года. Ён доўгі час знаходзіўся ў храме горада Бітэрфельд і па дабрачыннай лініі фонду «Саюз Марціна Лютэра і Лютэранская Царква Сярэдняй Германіі» яго вырашылі перадаць у Гродна.

Алтар будзе падобным да таго, які размяшчаўся ў гродзенскай кірсе да вайны. Ды і храм горада Бітэрфельд падобны да гродзенскага, кажа Уладзімір Татарнікаў.

«Ён быў пабудаваны, як і наша кірха, у стылі псеўдаготыкі. У свой час там быў ваенны храм — гарнізонны. Але частку расфармавалі і храм зачынілі. А алтар мы шукалі даўно, але адпаведнага не было. Вось яго нам і перадаюць».

Будучы алтар гродзенскай кірхі

Падрабязнай інфармацыі пра дэталі алтара гродзенскай кірхі і яго даваенных фатаграфій не захавалася.

Гісторыя кірхі

Будынак кірхі вядомы з канца XVIII стагоддзя, тады кароль Станіслаў Аўгуст Панятоўскі падарыў абшчыне трохпавярховы будынак карчмы, у якой лютэране нямецкага паходжання не толькі абедалі, але і маліліся. Будынак некалькі разоў перабудоўвалі і сучасны выгляд храм набыў у 1912 годзе. Праз год на вежы кірхі з’явіўся і гадзіннік,
ён перастаў працаваць у пачатку 1940-х гг.

За савецкім часам у кірсе знаходзіўся абласны архіў. На думку пастара, гэта, магчыма, і выратавала храм ад перабудовы або разбурэння. Храм лютэранскай абшчыне перадалі ў карыстанне ў 1995 годзе. На сённяшні дзень у лютэранскай абшчыне Гродна больш за 50 вернікаў.

«Пасля таго як храм перадалі суполцы, у нас з’явіліся лаўкі, якія таксама прывезлі з Нямеччыны. Гарадскія ўлады і прадпрыемствы праз некалькі гадоў дапамаглі аднавіць сам будынак. Дзякуючы спонсарам мы прывезлі арган, а зараз чакаем устаноўкі алтара і гадзінніка. Сёння мы хочам прывесці кірху ў належны выгляд, адпаведны статусу храма».

Падзяліцца

Апошнія запісы

«Каб цябе пярун забіў!» Як неверагодны пярун 90 гадоў таму трымаў у страху Гродзеншчыну

“Каб цябе пярун забіў!” - адзін з найбольш вядомых беларускіх праклёнаў. У 1934 і 1935…

22 красавіка 2025

Гродзенцы адкрылі грыбны сезон. Дзе ў вобласці шукаць смаржкі і іншыя грыбы?

З надыходам цяпла ў заходніх рэгіёнах Беларусі - Гродзенскай і Брэсцкай абласцях - сталі з'яўляцца…

22 красавіка 2025

Аліўкавыя, залатыя і мармуровыя яйкі. Трэнды Tik Tok на Вялікдзень 2025

Змяшаць два знаёмыя спосабы афарбоўкі яек і атрымаць аліўкавы колер, знайсці спосаб з дапамогай хімічнай…

17 красавіка 2025

«Усё жыццё мару, што нехта са сваякоў знойдзецца». Гродзенка расказала, як пасля вайны не змагла з’ехаць у Польшчу і трапіла ў Казахстан

Яніна Міхайлаўна Земба нарадзілася ў Гродне ў 1934 годзе. Падчас нямецкай акупацыі яе маму вывезлі…

10 красавіка 2025

Мільярды еўра — Варшаве, мільёны — Мінску. Параўналі, як Польшча і Беларусь выкарыстоўвалі еўрапейскія гранты

«Еўрасаюз нам не патрэбен!» Гэты наратыў папулярны не толькі ў беларускай прапаганды, але і ў…

9 красавіка 2025

Як з беларускіх зямель даплывалі да Амерыкі 100 год таму: расказвае падкаст «Зямля свабоды»

У пошуках лепшага жыцця тысячы людзей выязджалі з беларускіх зямель больш за сто год таму.…

9 красавіка 2025