Рэканструкцыя закінутага дома купца Мураўёва на Савецкай плошчы ў Гродне ідзе з пачатку 2020 года. Блакітны колер, у які нядаўна пафарбавалі вежы, здзівіў некаторых гродзенцаў. Гэта не спадабалася і заказчыку, але такія былі прадпісанні Мінкульта.
«Ён [блакітны колер] быў па гісторыі. Гэта арыгінальны колер. У папярэдняга ўласніка быў праект ад „Гроднаграмадзянпраекта“. Там было ўказана, што вежы павінны быць менавіта блакітнага колеру. Мы нічога новага не прыдумляем», — распавёў Павел Клімовіч, галоўны інжынер праекта рэканструкцыі.
Зараз дом належыць бізнэсоўцу Станіславу Сямашку. Да гэтага ён быў закінуты больш за 25 гадоў з кароткімі перапынкамі на няўдалыя спробы рэстаўрацыі. Папярэдні ўласнік паспеў адрэстаўраваць фасад і памяняць дах.
Калісьці будынак упрыгожвалі кафляныя печы, ляпніна на столі і фрэскі на сценах. Яны не захаваліся.
«Будынак дастаўся нам фактычна скрынкай з перакрыццямі паміж паверхамі, — кажа Павел Клімовіч. — Унутраная частка будынка была ў аварыйным стане. Агулам складаная рэканструкцыя ў нас, асабліва гэта адчуваеш, калі на аб’екце трапляецца шмат комінаў і ніш, якія трэба перарабляць».
Зараз на аб’екце вядуцца агульнабудаўнічыя работы — мантаж аконных запаўненняў, інжынерныя работы ўнутры будынка. Пасля рэканструкцыі знешні выгляд будынка не павінен змяніцца, вокны і дзверы аднаўляюцца паводле старых абмераў і фатаграфій.
Плануецца рэканструкцыя трох паверхаў і сутарэння цэнтральнага будынка. На першым паверсе будзе фае з лесвічным блокам, рэцэпцыя гасцініцы, рэстаран і ФАК. На астатніх паверхах — 19 гасцінічных нумароў. Падвал прыстасуюць пад кухню, а ўнутраны дворык — пад тэрасу рэстарана.
Абноўлены дом купца Мураўёва плануюць запусціць да Новага года. Уладальнік будынка Станіслаў Сямашка не выключае, што ў будынку можа з’явіцца экспазіцыя, прысвечаная купцу Івану Мараўёву.
Лічыцца, што дом купца Мураўёва быў пабудаваны ў канцы XIX стагоддзя ў стылі мадэрн. Гісторык Мечыслаў Супрон лічыць, што частка будынка больш старая. Мечыслаў адшукаў у Гродзенскім архіве інфармацыю, што дом быў пабудаваны на фрагментах будынка XVII стагоддзя і частку сутарэнняў будынка можна аднесці менавіта да гэтага перыяду. Пра гэта сведчыць муроўка сцен у склепе i выкарыстаныя ў ёй шматлікія валуны.
Белавежская пушча сёння раздзеленая не на дзве, а насамрэч на тры часткі: беларускую, польскую і…
Ужо некалькі дзесяцігоддзяў метал-музыка аб'ядноўвае людзей не толькі адных музычных прыхільнасцяў, але і падобнага светапогляду.…
У ГЗК Triniti гродзенцы заўважылі прусака — насякомае бегала па канапе ў зоне фуд-корту. Hrodna.life…
Беларускі гурт Ulis праіснаваў больш за 20 гадоў. Яго спадчына жыве - музыканты робяць каверы,…
Крысціна Мішчук (Пянткоўская) нарадзілася ў 1933 годзе ў Гродне ў сям'і мясцовай інтэлігенцыі. Каталічка. Тата…
У 500 метрах ад плота, узведзенага на польскім баку мяжы з Беларуссю, стаіць вёска Азяраны…