Дадаць навіну
Аўторак, 13 лістапада 2018, 08:32

Ад Skoda да Bentley: на чым ездзяць вядомыя гродзенцы

Да дня аўтамабіліста Hrodna.life праверыў, на якіх аўто перасоўваюцца вядомыя жыхары нашага горада. Глядзіце машыны спартоўцаў, палітыкаў, бізнесменаў і зорак шоў-бізу. А таксама даведайцеся, хто наогул на машыне не ездзіць.

Аляксандр Мілінкевіч

Грамадскі дзеяч і палітык, навуковец, кандыдат ад апазіцыі на прэзідэнцкіх выбарах 2006 года. За стырном з 1965 года. Першым аўто Аляксандра быў Масквіч 407, які ягоны бацька набыў у 1962 годзе. На Масквічы Аляксандр тады ездзіў са сваім братам Уладзімірам.

Ад Skoda да Bentley: на чым ездзяць вядомыя гродзенцы
Фота з архіву Аляксандра Мілінкевіча

Сёння Аляксандр Мілінкевіч ездзіць на Skoda Octavia. Раней у яго былі Лады, Mercedes i Volvo. А ў 1980-х, калі ён выкладаў у Алжыры, ён набыў сабе Renault 4 – ездзіць у падарожжы па Сахары.

Дзмітрый Варац

Шматразовы чэмпіён Свету і Еўропы па тайскім боксе і кікбоксінгу.

Ад Skoda да Bentley: на чым ездзяць вядомыя гродзенцы

Першым аўтамабілем Дзмітрыя была Toyota Avensis 2007 года. Пяць гадоў таму Дзіма стаў уласнікам Toyota Avensis (2011 г.) наступнага пакалення. Зараз ён прызнаецца, што ўжо гатовы чарговы раз змяніць аўтамабіль.

Сяргей Banifacyj Марозаў

Фатограф, выкладчык, байкер.

У сям’і Сяргея два Peugeot і адзін байк.

Першы аўтамабіль Сяргея – дызельны Peugeot 406 2001 года, якім ён валодае з 2009 года. У 2014 ён набыў сабе Peugeot 408 2013 года, на якім ездзіць і сёння. А на першым ездзіць жонка.

Ад Skoda да Bentley: на чым ездзяць вядомыя гродзенцы
Фота з архіву Сяргея Марозава

Летні транспарт Сяргея – матацыкл Kawasaki Vulcan 2000 (2004 г.), які ён набыў у 2015 годзе.

Оля Лета

Першым аўтамабілем вядомай гродзенскай танцоўшчыцы быў Suzuki Wagon, які яна купіла ў 2015 годзе. Сёння Оля ездзіць за стырном Toyota Rav 4, які ў яе менш за год.

Ад Skoda да Bentley: на чым ездзяць вядомыя гродзенцы
З VK Олі Лета

А вось за стырном якіх аўто былі заўважаны знакамітыя гродзенскія бізнесмены.

Алег Зухавіцкі

Асноўнага ўладальніка групы кампаній «ЗОВ» звычайна можна ўбачыць за стырном Volkswagen Touareg другога пакалення. Яго жонка Таццяна Зухавіцкая на вуліцах горада ездзіць на белым Nissan Patrol апошняга пакалення.

Ад Skoda да Bentley: на чым ездзяць вядомыя гродзенцы
Фота ілюстрацыйнае, turbodealer.ru
Ад Skoda да Bentley: на чым ездзяць вядомыя гродзенцы
Фота ілюстрацыйнае, toyota-hl.ru

Іван Маісееў

Уласніка фірмы ABC і гандлёвага дома “Нёман” ужо не першы год можна ўбачыць за стырном чорнага Mercedes S класу ў 221 кузаве.

Ад Skoda да Bentley: на чым ездзяць вядомыя гродзенцы
Фота ілюстрацыйнае, rent-for-event.ru

Валянцін Байко

Уласнік фабрык Контэ-Спа і Брэсцкага Панчошнага Камбінату, гандлёвых цэнтраў Triniti і OldCity, крамаў MiniMax, Тураўскага малочнага камбіната і яшчэ цэлай пачкі бізнесаў перасоўваецца па горадзе на пазадарожніку Infiniti QX 56.

Ад Skoda да Bentley: на чым ездзяць вядомыя гродзенцы
Фота ілюстрацыйнае, porscheofcoloradosprings.com

Станіслаў Сямашка

Ад лішняй сціпласці прадпрымальнік са Шчучына не пакутуе і называе сябе першым беларускім бізнесмэнам. Ён ездзіць на Bentley Bentayga. У інтэрв’ю Sputnik Сямашка прызнаўся, што даўно марыў пра такі аўтамабіль: “Такая мадэль – адзіная ў Гродзенскай вобласці. Даўно пра такую марыў. Вось і купіў”.

Ад Skoda да Bentley: на чым ездзяць вядомыя гродзенцы
Sputnik.by

Без аўто

Топ-блогер vadimati – Вадзім Ермашук – хоць і мае вадзіцельскае пасведчанне, але звычайна перасоўваецца на ровары.

Радыёвядоўца Дзмітрый Чэкан, хоць і трапіў у рэкламу ДАІ, але ніколі не ездзіў за стырном. Звычайна Дзіма карыстаецца паслугамі грамадскага транспарта. Асабліва яму падабаецца месца штурмана ў таксі на заднім сядзенні. А ў маршрутках яму падабаецца назіраць за людзьмі, аналізаваць паводзіны. “Яны натхняюць”, – кажа Чэкан.

Ад Skoda да Bentley: на чым ездзяць вядомыя гродзенцы
vk.com

Калі вы знайшлі ў тэксце памылку або абдрукоўку, калі ласка, паведаміце нам, выбраўшы адпаведны фрагмент і націснуўшы клавішы Ctrl+Enter.

Перадрук матэрыялаў Hrodna.life магчымы толькі з пісьмовага дазволу рэдакцыі. Звяртайцеся info@hrodna.life

Раім пачытаць

Каментары

comments powered by HyperComments

Spelling error report

The following text will be sent to our editors: