У красавіку ў Гродне пройдзе лакальны кававы фестываль. Колькі каштуе сэт і хто удзельнікі?

Grodno Coffee Festival пройдзе ў Гродне з 15 па 29 красавіка. У фестывалі возьмуць удзел дзевяць кавярняў - кожная са сваім арыгінальным сэтам кавы і дэсерту.

Кавярні-ўдзельнікі:

• «Джезва»;
• «Проходная»;
• Deli;
• Lcoffee;
• «Чашки и ложки»;
• 2707;
• «Просто кофе»;
• Donnuo;
• «Тэмпл».

Кошт сэта — 12 рублёў. У сэт уваходзяць аўтарскі напой на аснове кавы і дэсерт. Пакуль апублікавалі сэты не ўсіх удзельнікаў.

Апошні раз гродзенскі кававы фестываль арганізоўвалі ў 2022 годзе. Тады ўдзельнічалі 11 гродзенскіх кавярняў.

Што прапануюць?

Кавярня «ТЭМПЛ» (вул. Маставая, 31)

У сет уваходзіць пясочны тарт з цытрынавым курдам і шапкай з абпаленай мерэнгай, а таксама мятны батч бру з вішнёвай эспумай. Ёсць магчымасць замены на батч бру.

Мятны смак надае напою ахаладжальны эфект, а вішнёвая эспума дадае саладосць і фруктовую нотку. Гэта спалучэнне стварае кантраст з кіслінкай цытрынавага дэсерта, падкрэсліваючы яго смак.

Кавярня «ДОППИО» (вул. Замкавая, 12А)

У сет уваходзіць торт «Эстэрхазі» і капучына «Каштан». Для торта выкарыстоўваюць бялкова-міндальнае безе, у праслойцы ідзе заварны крэм з мяккім фундучным смакам. Яго пакрываюць ганашам на белым шакаладзе. Не ўтрымлівае рафінаваны цукар і глютэн. У якасці заменніка цукру выкарыстоўваецца какосавы цукар і падсалодвальнік prebiosweet.

Капучына «Каштан» — гэта эспрэса на 100% арабіцы з Бразіліі з крафтавым сіропам. У паслясмаку — ноты малочнага шакаладу і ляснога арэха, на выхадзе — мяккі арэхава-кававы смак. Ёсць магчымасць замены на чай, амерыкана.

Кавярня «ПРОХОДНАЯ» (вул. Маставая, 31)

Сэт складаецца з пірожнага шу і персікавага «чмяля». Унутры пірожнага — крэм з дадаткам натуральнай ванілі і карамельнай начынкай. Зверху шапка з карамельнага крэму. Халодны персікавы «чмель» прыгатуюць з дадаткам клубнічна-сунічнага кардыялу. Ёсць магчымасць замены на батч бру.