Праект забудовы мікрараёна Панямунь. Крыніца: "Пул 4 Рэгіён"
Новы мікрараён з’явіцца на месцы былой вёскі Панямунь на выездзе з Гродна ў напрамку Мінска. Будаўніцтва плануюць пачаць у чацвёртым квартале 2025 года. Тэрміны пачатку работ пераносіліся двойчы: першапачаткова Панямунь збіраліся забудоўваць у 2018 годзе, пасля ў 2022.
У мікрараёне з’явяцца 2 тыс. кватэр, а таксама транспартная, інжынерная і сацыяльная інфраструктуры. Пабудуюць і паркінгі агульнай умяшчальнасцю на больш чым 2 тыс. машын, паведамілі ў Telegram-канале «Пул 4 Регион». Зараз на тэрыторыі будучага мікрараёна ёсць гаражы — пры будаўніцтве Панямуні зносіць іх не будуць.
Будаўніцтва мікрараёна хацелі пачаць яшчэ ў 2018 годзе. Праз чатыры гады з’явіўся праект дэталёвай планіроўкі Панямуні: у мікрараёне павінны былі з’явіцца дамы сярэдняй паверхавасці (ад 5 да 13 паверхаў) з абгароджанай дваровай тэрыторыяй. У выніку праект даслалі на дзяржаўную і экалагічную экспертызы.
Зараз, мяркуючы па новых рэндэрах, паверхавасць раёна вырашылі павялічыць — дамы пачынаюцца ад 8 паверхаў. У новай Панямуні плануецца пасяліць да 5000 чалавек.
Чытайце таксама: Архітэктары паказалі, што пабудуюць у гродзенскай Панямуні
У траўні беларусы сталі актыўна абмяркоўваць знікненне бульбы з паліц у крамах. Звярнулі ўвагу і…
Гарадское і сельскае насельніцтва Беларусі скарачаецца. Згодна з Белстатам, у Гродне і Лідзе сітуацыя выглядае…
Сцэнічны комплекс на святкаванне Дня Перамогі ў Гродне 9 траўня абыйдзецца гарадскому бюджэту ў 12…
Непаўналетняга падлетка з Гродзенскага раёна спрабавалі прыцягнуць да адміністрацыйнай адказнасці за распіццё алкаголю ў грамадскім…
Салон прыгажосці Mateo запусціў праект «Незвычайная маці». Паўдзельнічаць у ім могуць жанчыны, якія выхоўваюць дзяцей…
Гродзенскі гісторык Мечыслаў Супрон вызначыў, з якога ракурсу Напалеон Орда зрабіў адзін са сваіх гродзенскіх…
