Глэмпінг "Зорка над Нёманам". Фота: Instagram-акаўнт глэмпінгу
Пад Гроднам прадаюць глэмпінг. Трохкутны дом «Зорка над Нёманам» атачае хваёвы лес, а ў 150 метрах ад участку працякае Нёман. Інфармацыя аб продажы гатовага бізнесу з’явілася на пляцоўцы «Куфар».
У доміку плошчай 130 кв.м. ёсць спальня з печчу-камінам, антрэсоль з дадатковым спальным месцам і санвузел з уцепленай падлогай і бойлерам. Маецца і мінікухня з неабходнай тэхнікай: электраплітой, чайнікам, мікрахвалеўкай і посудам. Таксама ў доме ўстаноўлены панарамныя вокны.
Вонкавае і ўнутранае аздабленне доміка — імітацыя бруса. На тэрасе можна размясціць крэслы-шэзлонгі, столік і крэслы — іх уладальнік прадае разам з бізнесам.
Плошча ўчастка — 13 сотак, але яе можна пашырыць да 23 сотак. На ўчастку высаджаны туі і ядлоўцы, вакол глэмпінгу расце хваёвы лес, а ў 150 метрах працякае Нёман. Да ўчастка праведзена каналізацыя, таксама ёсць уласная свідравіна.
Глэмпінг знаходзіцца ў 5 км ад Аўгустоўскага каналу і ў 13 км ад палацава-паркавага комплексу Свяцк.
Уладальнік бізнэсу адзначае, што гэта «адасобленае месца з прыгожай прыродай і гарадскім камфортам». Глэмпінг падыдзе аматарам прыроды, рыбалкі і палявання. Таксама домік можна выкарыстоўваць для экатурызму.
За гатовы бізнэс просяць 187 250 руб. ($ 57 тыс.).
Чытайце таксама: Побач з Аўгустоўскім каналам з’явіцца глэмпінг
Пліта Ведніка Леаніда Анатольевіча, які, верагодна, загінуў на вайне супраць Украіны, з'явілася ў калумбарыі на…
Драўляны будынак у стылі канструктывізму 1930-х на Міцкевіча, 1 у Гродне перабудуюць у трохпавярховы гатэль…
Макраздымак райка (рус. - радужки) вока можна зрабіць у Гродне на вул. Будзённага. Закаханым прапануюць…
У Нацыянальным агенцтве па турызме прапануюць распрацаваць экскурсію "Па святынях Воранаўшчыны". Аўтар зможа зарабіць 2820…
Раней Дом быту на Замкавай, 4 спрабавалі прадаць ужо чатыры разы. У час аўкцыёну, які…
У Threads беларус Дзяніс выказаў здзіўленне наконт таго, што ў гасцініцах і гатэлях Гродна ўсе…