Дом на Цэнтральнай, 1 у Баранавічах. Крыніца: realt.by
У мікрараёне Баранавічы на ўскрайку Гродна прадаюць аднапавярховы катэдж з мансардай. Інтэр'ер незвычайны і пышны — у стылі класіцызму з элементамі барока, з мэбляй па індывідуальным дызайне, люстрамі з падвескамі і тканкавымі шпалерамі на сценах. На ўчастку ёсць лазня і гасцявая хатка.
Дом на вуліцы Цэнтральная, 1 прыцягвае ўвагу яшчэ звонку: ярка-жоўты, з чырвоным дахам, белымі карнізамі, рустамі і рамкамі вакол вокнаў. На высокім ганку з калонамі і крытай тэраскай — каваныя парэнчы, на вокнах — каваныя краты. Бранаваныя ўваходныя дзверы ручной працы зроблены з масіву дуба.
Інтэр'ер уражвае раскошай, як быццам вы патрапілі ў шляхецкі маёнтак. Ён выкананы ў класічным стылі з элементамі барока, у светлых і залацістых адценнях, абстаўлены індывідуальнай італьянскай мэбляй з масіву. Вокны дэкараваныя пышнымі гардзінамі, на сценах — тканкавыя шпалеры, падлогі паркетныя. У санвузлах устаноўлена дызайнерская сантэхніка, у пакоях — люстры з падвескамі.
Катэдж з лазняй і гасцявым домам пабудаваны ў 2013 годзе. Агульная плошча — 440 кв. м, плошча ўчастка ў прыватнай уласнасці - 14 сотак. Да дома прылягаюць два навесы для машын. Дом пабудаваны з газасілікатных блокаў, уцеплены, фасад атынкаваны, дах — кампазітная чарапіца MetroBond, вокны — шклопакеты Schuco. Камунікацыі цэнтральныя, сістэма апалу аўтаматычная, на газе, праведзены інтэрнэт, у памяшканнях — кандыцыянеры. Пад’язныя шляхі асфальтаваны.
Першы паверх уключае кухню, сталовую, кабінет і тры спальні з санвузламі, вышыня столяў - 2,84 м. Другі паверх (185 кв. м) — open space з зонай для спорту, адпачынку, більярдам, спальняй, гардэробнай, санвузлом і фітабочкай. Ёсць бытавая тэхніка.
Кошт катэджа — $ 420 000.
Чытайце таксама:
Шматгадзінныя чэргі, перфаратар і два акенца на рэгістрацыю. Дзяўчына схадзіла ў Гродзенскае агенцтва па дзяржаўнай…
Прадпрыемства "Гродна Азот" 12 лютага ў Telegram-канале анансавала конкурс да Дня роднай мовы. Да самога…
Палітзняволены з Гродна Кірыл Кетурка скончыў жыццё самагубствам у Цэнтры ўтрымання пад вартай у Варшаве-Служэўцы…
Былому сенатару і дырэктару «Краснасельскбудматэрыялы» Уладзіміру Кісялёву пагражае да трох гадоў калоніі за разгалашэнне службовай…
"Малочны Мір" абавязалі змяніць назву для серыі глазураваных сыркоў. Пасля чыёсьці скаргі ў Міністэрства антыманапольнага…
На Гагарына, 25 у Гродне прадаецца двухпакаёвая кватэра з выдатна захаваным постсавецкім інтэр'ерам. Дом, у…