Польска-беларуская мяжа. Фота з архіву Hrodna.life
З 1 студзеня 2025 года можна будзе перасякаць граніцу Беларусі ў пунктах пропуску на тэрыторыі Гродзенскай вобласці без аплаты мясцовага збору.
Аб гэтым паведамляецца на афіцыйным партале Гродзенскага аблвыканкама.
«Пры гэтым звяртаем увагу, што на працягу I квартала 2025 года мясцовы збор за перасячэнне транспартнымі сродкамі Дзяржаўнай граніцы Рэспублікі Беларусь у пунктах пропуску плануецца ўвесці зноў, аб чым будзе паведамлена дадаткова», — паведамляе Галоўнае фінансавае ўпраўленне Гродзенскага абласнога выканаўчага камітэта.
Брэсцкая вобласць таксама адмяняе збор. Паведамляецца, што з 1 па 31 студзеня 2025 года ў Брэсцкай вобласці часова спыняецца спагнанне мясцовага збору за перасячэнне граніцы.
Адпаведна, у названы перыяд пры перасячэнні граніцы ў пункце пропуску супрацоўнікі органаў пагранічнай службы не будуць патрабаваць прад’яўлення дакументаў, якія пацвярджаюць аплату збору.
У Гродзенскай вобласці працуюць два пункты пропуску — абодва на граніцы з Літвой: «Беняконі» і «Каменны Лог». У Брэсцкай вобласці працуюць два пункты пропуску на мяжы з Польшчай: «Брэст» для пасажырскага транспарту і «Казловічы» для грузавога.
Першая вядомая назва нашага горада - "Городенъ". Менавіта так яго называлі яшчэ ў XII стагоддзі,…
Буйны агрэгатар перавозчыкаў "Атлас" абвясціў пра зніжэнне коштаў на квіткі: да канца лютага можна дабрацца…
Літоўскія памежнікі выявілі падземны ход даўжынёй 25 метраў у раёне вёскі Пашальчай, каля мяжы з…
Праз змены клімату год ад года плытчэе Нёман. Сітуацыю магла б выправіць зіма з вялікай…
Пераможцам аўкцыёну па продажы будынка былой каралеўскай сядзібы Панямунь стала царква «Слова Божае» хрысціян веры…
Участкі на Вялікай Траецкай, якія ў мінулым адносіліся да гістарычнага раёна Школьны двор, плануюць выставіць…