Першую ў Гродне краму сеткі Unistore адкрыюць 4 ліпеня ў 12:00. Крама будзе працаваць у гандлёвым цэнтры “Вялікая Альшанка”. Інфармацыю пра гэта апублікавалі на сайце сеткі.
Крама ў Гродне – сёмая ў сетцы Unistore опт&розніца. Падчас адкрыцця першым 350 пакупнікам з чэкам ад 50 рублёў абяцаюць падарункавыя наборы. У іх уваходзіць:
- пакунак грэчкі;
- бутэлька алею;
- пачак гарбыты;
- пакунак зефіру;
- вафельны батончык.
Сетка крамаў UNISTORE опт&розніца – гандлёвая сетка для аптовага продажу прадуктаў, алкаголю, тавараў першай неабходнасці і нехарчовых тавараў. Называе сябе найбуйнейшай у Беларусі, мае 7 крамаў.
На прадукты ставяць дзве цаны
У супермаркеце прапануюць больш за 6000 тавараў. Там ёсць мясныя прадукты, малочныя, гародніна, садавіна, рыба і замарожаныя прадукты, бакалея і напоі. Таксама прадаюць гаспадарчую хімію, тавары для дому і жывёл.
Іх будуць прадаваць па дзвюх цэнах. Першая – цана за адну адзінку, другая – пры пакупцы некалькіх штук – ад двзюх-трох.
Час працы крамы – з 8:00 да 22:00 без выхадных.
Чытайце таксама: У самым цэнтры Гродна адкрылі шоўрум Fantiki. Што там прадаюць?
