Фота з месца здарэння. Крыніца: канал "АвтоГродно"
Каля Шчучына, на трасе М6, перавярнулася маршрутка «Ліда-Гродна» з пасажырамі. Усяго ў маршрутцы было 15 чалавек. Пасажыры выжылі, але ёсць пацярпелыя, адну жанчыну шпіталізавалі.
«Маршрутка Ліда — Гродна. Поўная. Шмат моладзі. У людзей парэзы і ўдары. Усе жывыя. Я спынілася — дапамагала выходзіць пасажырам праз люк», — расказала чытачка «АвтоГродно».
Паведамленне аб здарэнні паступіла ў аператыўна-дзяжурную службу Шчучынскага РАУС у 17:50 23 чэрвеня, удакладнілі ў абласной ДАІ.
Маршрутка маркі Volkswagen ехала ў бок Гродна. Ёй кіраваў 54-гадовы кіроўца. Каля пуцеправода і павароту на Шчучын ён змяніў паласу і пачаў апярэджанне спадарожнага аўтамабіля Nissan. У гэты час яго 44-гадовая кіроўца страціла кіраванне і дапусціла сутыкненне з мікрааўтобусам. Ад удару маршрутку адкінула ў адбойнік, яна перакулілася.
На месца выехалі тры экіпажы ДАІ і хуткая дапамога. Рух па трасе быў ускладнены.
Пасля аварыі агледзелі пяць пасажыраў, адну пасажырку накіравалі ў бальніцу з рознымі траўмамі, якія не пагражаюць жыццю. Астатніх адпусцілі дадому.
Прычыны здарэння высвятляюць.
Чытайце таксама: Парушаюць часцей раніцай і пасля абеду: у Гродне зноў праверылі маршруткі - і аштрафавалі
Новы сувенір у выглядзе "раскладанкі" са знакавымі аб'ектамі Гродна ствараюць улады. Яго выканаюць у выглядзе…
Некалькі сотняў Дзядоў Марозаў, Снягурак, сабачак, вавёрачак і разнастайных іншых персанажаў 20 снежня прайшлі ад…
Трохпакаёвая кватэра знаходзіцца на вуліцы Савецкіх Пагранічнікаў. Сцены ў ёй абвешаныя рэпрадукцыямі, дзвярныя праёмы выкананы…
Спецыяльнае праграмнае забеспячэнне для сачэння за актыўнасцю ў камп'ютарах закупляе Гродзенскае агенцтва па дзяржаўнай рэгістрацыі…
У Гродне рэканструююць тэрыторыю, прылеглую да вадаёма па вул. Рэпіна. Там жа ўладкуюць дзіцячую інклюзіўную…
У Гродне адкрылася выстава, прысвечаная мясцоваму ўраджэнцу мастаку Льву Баксту. Экспазіцыю размясцілі ў харальнай сінагозе,…