На вуліцы Міра можна арандаваць памяшканне на мезаніне (надбудова на сярэдняй часткай жылога дома). Там можна адкрыць офіс альбо творчую майстэрню. Адпаведную інфармацыю размясцілі на сайце Гродзенскага цэнтра нерухомасці.
Памяшканне плошчай 51,2 кв.м знаходзіцца на вуліцы Міра, 5. Пачатковая цана права заключэння дамовы арэнды на тры гады – 227 рублёў. Аўкцыён адбудзецца 9 ліпеня 2024 года. Заявы прымаюць да 4 ліпеня.
Чым адметна гэта памяшканне?
Памяшканне размяшчаецца ў “хрушчоўцы”, якую пабудавалі на вуліцы Міра ў 1960-х гадах. Першапачаткова там планавалі размясціць вялікія майстэрні для гродзенскіх мастакоў.
Яны павінны былі праз вялікія вокны маляваць Каложскую царкву, гістарычны цэнтр і коміны азотна-тукавага камбіната (сёння – “Гродна Азот”), паведамляе гістарычны канал Hrodna 11:27.
Чытайце таксама: У Гродне рыхтуюцца забудоўваць тэрыторыю на Дубко. Знос будзе каштаваць у 8 разоў больш, чым пачатковы кошт участку
