Від на гістарычны цэнтр Гродна. У цэнтры - Фарны касцёл. Фота: iStock
Найлепшым горадам для бізнесу ў Беларусі прызналі Гродна. Цырымонія ўзнагароджання адбылася на 16-м рэспубліканскім конкурсе «Найлепшы горад (раён, вобласць) для бізнесу ў Беларусі», паведаміла БелТА.
Таксама з Гродзенскай вобласці намінацыю атрымаў Шчучынскі раён — «Найлепшы раён вобласці для бізнесу Беларусі з насельніцтвам менш за 50 тыс. чалавек». Найлепшая вобласць для бізнесу ў Беларусі - Мінская.
«У тых абласцях, якія перыядычна прызнаюцца найлепшымі для вядзення бізнесу, назіраецца ўсплёск дзелавой актыўнасці», — сказаў старшыня Гродзенскай абласной асацыяцыі прадпрымальніцтва Ігар Чарнякоў. Таксама, на яго думку, павышаецца інвестыцыйная прывабнасць рэгіёна.
Чытайце таксама: Гродна — найлепшы абласны цэнтр па колькасці гандлёвых плошчаў. Іншыя рэгіёны моцна адстаюць
У 2022 годзе Гродзенскую вобласць прызналі на гэтым конкурсе найлепшым рэгіёнам для вядзення бізнесу. На той момант у ёй было 35 тыс. суб’ектаў малага і сярэдняга бізнесу. З іх 28 тыс. індывідуальных прадпрымальнікаў.
Паводле стану на 1 студзеня 2024 года, у Гродзенскай вобласці 35 934 суб’ектаў малага і сярэдняга бізнесу: 27 391 індывідуальны прадпрымальнік і 8543 арганізацыі. З іх 36% займаюцца гандлем або рамонтам аўтамабіляў ці матацыклаў, 16% - транспартнай дзейнасцю, складаваннем, паштовай і кур’ерскай дзейнасцю, 9% - будаўніцтвам.
Чытайце таксама: Барометр беларускіх гарадоў: Гродна саступіў Брэсту
Новы сувенір у выглядзе "раскладанкі" са знакавымі аб'ектамі Гродна ствараюць улады. Яго выканаюць у выглядзе…
Трохпакаёвая кватэра знаходзіцца на вуліцы Савецкіх Пагранічнікаў. Сцены ў ёй абвешаныя рэпрадукцыямі, дзвярныя праёмы выкананы…
Спецыяльнае праграмнае забеспячэнне для сачэння за актыўнасцю ў камп'ютарах закупляе Гродзенскае агенцтва па дзяржаўнай рэгістрацыі…
У Гродне рэканструююць тэрыторыю, прылеглую да вадаёма па вул. Рэпіна. Там жа ўладкуюць дзіцячую інклюзіўную…
У Гродне адкрылася выстава, прысвечаная мясцоваму ўраджэнцу мастаку Льву Баксту. Экспазіцыю размясцілі ў харальнай сінагозе,…
Маршрут праз усю Беларусь запусціла гродзенская фірма "Пазітыў-тур". Шлях з Гродна ў Віцебск складзе амаль…