У мікрараёне Грандзічы плануюць пабудаваць 17 дамоў без газу і цэнтральнага ацяплення — іх заменіць электрычнасць. Агулам у Гродзенскай вобласці ў 2024 годзе хочуць ўзвесці больш за 10 тыс. кв. м. так званых электрадамоў, паведаміў тэлеканал «Гродна Плюс».
Электрадамы пабудуюць у Смаргоні і Воранаве. Яшчэ 20 узвядуць у Слоніме. Праекты гэтых дамоў распрацоўваюць сумесна з «Гроднаэнэрга».
«Грамадзяне маюць магчымасць не чакаць пачатку гэтага [ацяпляльнага] сезона і кантраляваць тэмпературу ў сваім доме. Не патрабуецца пракладка акрэсленых інжынерных сетак: водазабеспячэнне, каналізацыя, ацяпленне», — сказаў пра перавагу электрычных дамоў намеснік кіраўніка аддзела камітэта па архітэктуры і будаўніцтве Гродзенскага аблвыканкама Аляксандр Капранаў.
Электрадамы — шматкватэрныя дамы, дзе ацяпленне, падагрэў вады і прыгатаванне ежы забяспечваюцца электрычнасцю. Замест звычайных батарэй цэнтральнага ацяплення там працуюць электраканвектары, замест цэнтральнага гарачага водазабеспячэння — электрычныя воданагравальнікі. Газу ў такіх дамах таксама няма.
За тры гады з 2021 па 2023 у Гродзенскай вобласці пабудавалі больш за 165 тыс. кв. м. электрычнага жытла. Паводле «Гродна Плюс», задачу перавыканалі ў два разы.
У снежні 2021 года казалі, што толькі ў Грандзічах плануюць пабудаваць 19 шматпавярховых электрадамоў. Іх жыллёвая плошча павінна была скласці 157 тыс. кв. м — 2444 кватэры.
Агулам у 2022 годзе ў Гродзенскай вобласці ўвялі ў эксплуатацыю амаль 478 тыс. кв. м. жылля. Агулам у Беларусі з 2021 па 2023 года пабудавалі 1,2 млн. кв.м. электрыфікаванага жылля.
Першы ў Гродзенскай вобласці электрадом пабудавалі ў Слоніме ў 2020 годзе. У аграгарадку Луцкаўляны 13 каркасных электрадамоў сдалі ў эксплуатацыю ў 2021 годзе. Таксама электрадамы-таўнхаўсы пабудавалі ў Скідзелі.
Пасля мікрараёна Грандзічы электрадамы плануюць будаваць у Баранавічах-11.
Чытайце таксама: Больш за 60 млн рублёў выдаткуюць на будаўніцтва індустрыяльнага парка пад Гродна
Шматгадзінныя чэргі, перфаратар і два акенца на рэгістрацыю. Дзяўчына схадзіла ў Гродзенскае агенцтва па дзяржаўнай…
Прадпрыемства "Гродна Азот" 12 лютага ў Telegram-канале анансавала конкурс да Дня роднай мовы. Да самога…
Палітзняволены з Гродна Кірыл Кетурка скончыў жыццё самагубствам у Цэнтры ўтрымання пад вартай у Варшаве-Служэўцы…
Былому сенатару і дырэктару «Краснасельскбудматэрыялы» Уладзіміру Кісялёву пагражае да трох гадоў калоніі за разгалашэнне службовай…
"Малочны Мір" абавязалі змяніць назву для серыі глазураваных сыркоў. Пасля чыёсьці скаргі ў Міністэрства антыманапольнага…
На Гагарына, 25 у Гродне прадаецца двухпакаёвая кватэра з выдатна захаваным постсавецкім інтэр'ерам. Дом, у…