Гасцініца "Беларусь" у 2023 годзе. Фота: "Перспектыва"
У 2024 годзе ў Гродне збіраюцца адкрыць дзве вялікія гасцініцы, якія рэстаўравалі некалькі гадоў. З’явяцца новыя хостэлы і новыя ўстановы грамадскага харчавання. Пра тое, што рыхтуюць для прыезджых сёлета, распавялі на паседжанні гарадской Каардынацыйнай Рады па турызме.
На недахоп месцаў, дзе «ў сезон» маглі б спыніцца турысты ў Гродне, скардзіліся яшчэ ў 2022 годзе. У 2023 сітуацыя не вырашылася — гасцініц не хапае, прызнаваўся старшыня гарвыканкама Андрэй Хмель. 80% турыстаў у апошнія гады прыязджаюць у Гродна з Расіі.
У 2024 годзе збіраюцца завяршыць гасцініцу «Беларусь» на 228 нумароў (год таму яе абяцалі адкрыць летам 2023, зараз абяцаюць завяршыць у чацвёртым квартале гэтага года), гасцініцу па вуліцы Вялікая Траецкая, 57 і шматпакутную гасцініцу «Гродна». Апошнюю выкупіў кітайскі інвестар яшчэ ў 2016, але ў выніку аказалася, што ў грошай няма. Гасцініцы будуць дабудоўваць у рамках інвестыцыйных праектаў па дзяржаўнай праграме «Беларусь гасцінная», паведамляе «Гродна Плюс».
Акрамя гатэляў, сёлета адкрыюцца хостэлы «Хоста Коста» на Ажэшкі, 1 і «Карафуто» на Савецкай, 3.
Чытайце таксама:
У гэтым годзе абяцаюць завяршыць і першы этап рэканструкцыі былога піўзавода (раней завяршыць планавалі ў 2023). Там таксама размесціцца гатэль на 120 нумароў, будзе бізнес-цэнтр, музей гісторыі Гродна і самога піўзавода, міні-бровар, піўны рэстаран, тэматычныя кафэ і гандлёвыя кропкі. Тэрыторыя не будзе абгароджаная, ад комплексу будзе спуск да Нёмана. Агульная плошча комплексу складзе 10 тысяч кв. м.
Апарт-гатэль на Васілька, 10 — у былым гарбарным дыспансеры — плануюць адкрыць ужо ў 2025 годзе.
Чытайце таксама: Выручка гасцініц у Гродзенскай вобласці за год упала на 80%, расказаў Белстат. Але потым перадумаў
У 2024 годзе адкрыюцца сем новых месцаў грамадскага харчавання — гэта будуць бары, рэстараны і кавярні. У мінулым годзе ў Гродне адкрылася дзевяць новых устаноў. Сёлета павінны з’явіцца яшчэ і два новыя гандлёвыя аб’екты.
У другім квартале 2024 года пачне працаваць новы турыстычны інфармацыйны цэнтр.
Шматгадзінныя чэргі, перфаратар і два акенца на рэгістрацыю. Дзяўчына схадзіла ў Гродзенскае агенцтва па дзяржаўнай…
Прадпрыемства "Гродна Азот" 12 лютага ў Telegram-канале анансавала конкурс да Дня роднай мовы. Да самога…
Палітзняволены з Гродна Кірыл Кетурка скончыў жыццё самагубствам у Цэнтры ўтрымання пад вартай у Варшаве-Служэўцы…
Былому сенатару і дырэктару «Краснасельскбудматэрыялы» Уладзіміру Кісялёву пагражае да трох гадоў калоніі за разгалашэнне службовай…
"Малочны Мір" абавязалі змяніць назву для серыі глазураваных сыркоў. Пасля чыёсьці скаргі ў Міністэрства антыманапольнага…
На Гагарына, 25 у Гродне прадаецца двухпакаёвая кватэра з выдатна захаваным постсавецкім інтэр'ерам. Дом, у…