Міліцыя ў Гродне. Фота: Hrodna.life
Былы міліцыянт Аляксандр Маціевіч, які ў 2020 годзе ўдзельнічаў у рэпрэсіях супраць пратэстоўцаў, жыў у Літве і займаўся ўсталёўкай вокнаў. Зараз яны з жонкай «спешна пакінулі Літву». Былы сілавік вярнуўся ў Беларусь.
Былога міліцыянта выкрыла аб’яднанне былых сілавікоў BELPOL і перадала інфармацыю пра яго дзяржаўным органам Літоўскай Рэспублікі. Пасля гэтага Маціевіч з’ехаў у Беларусь, паведамляе BELPOL.
1 лютага Дэпартамент міграцыі інфармаваў, што Маціевіча пазбавяць часовага віду на жыхарства ў Літве, бо ён не адпавядае ўмовам, якія дзейнічаюць у дачыненні да асоб, якім выдаюць такі дакумент, піша Delfi. Таксама Дэпартамент міграцыі звярнуўся ў Дэпартамент дзяржбяспекі. Калі высветліцца, што Маціевіч уяўляе пагрозу нацбяспецы Літвы, яму забароняць уезд у краіну. Паводле звестак МУС, першы раз былы міліцыянт прыехаў у Літву з Польшчы па нацыянальнай візе іншай краіны ЕС.
У выпадку Маціевіча не спрацавала звычайная сістэма кантролю, якая не дазваляе атрымліваць візы і ВНЖ людзям, якія ўдзельнічалі ў падаўленні беларускіх пратэстаў. Міністр нацыянальнай абароны Літвы Арвідас Анушаўскас назваў гэта прыкрым.
33-гадовы ўраджэнец Дзятлава Аляксандр Маціевіч працаваў у органах унутраных спраў з 2010 года. Апошняя пасада, якую ён займаў у структурах, — старэйшы інспектар Інспекцыі па справах непаўнагадовых Лідскага РАУС. Меў званне маёра міліцыі.
У 2020 годзе праходзіў «пацярпелым» па крымінальнай справе, звязанай з пратэстамі. Паводле матэрыялаў справы, дзяўчына ў скверы каля лідскага Фарнага касцёла спрабавала не дазволіць міліцыянтамі затрымаць пратэстуючых. Яна быццам бы збіла двух афіцэраў Лідскага РАУС, у тым ліку сарвала з Маціевіча пагон. Гэта палічылі парушэннем цялеснай недатыкальнасці супрацоўніка органаў. Маціевіч быццам бы адчуў «фізічны боль і пакуты».
Чытайце таксама: Не выратавалі міліцыянта, арыштавалі мікрахвалёўку і затрымалі на мяжы. Як прайшоў тыдзень у Гродне і вобласці
Гродзенцы не ацанілі новыя канструкцыі для кветак на Савецкай. У красавіку на пешаходнай вуліцы ўсталявалі…
Тры злачынствы за "экстрэмізм" распачалі супраць падлеткаў у Гродзенскай вобласці ў 2024 годзе. У тым…
«Такіх месцаў і ў свеце не так многа, а ў Беларусі нічога падобнага проста няма», —…
Пліта Ведніка Леаніда Анатольевіча, які, верагодна, загінуў на вайне супраць Украіны, з'явілася ў калумбарыі на…
Драўляны будынак у стылі канструктывізму 1930-х на Міцкевіча, 1 у Гродне перабудуюць у трохпавярховы гатэль…
Макраздымак райка (рус. - радужки) вока можна зрабіць у Гродне на вул. Будзённага. Закаханым прапануюць…