Падароск у Гродзенскай вобласці. Фота: Hrodna.life
Крымінальная справа супраць супрацаўнікоў ПТУП «Маёнтак Падароск» спыненая за адсутнасцю складу злачынства. Пра гэта расказаў ужо былы ўладальнік маёнтка Павел Падкарытаў. Але 23 студзеня аддзел культуры забраў будынкі былой сядзібы Бохвіцаў.
Размова ідзе аб крымінальнай справе па нясплаце падаткаў і страхавых узносаў з заробкаў працаўнікоў амаль на 400 000 рублёў. Яе распачалі ў лістападзе 2022 года.
Тады затрымалі дырэктара Юрыя Меляшкевіча, фінансавага дырэктара Дзмітрыя Карабача і бухгалтарку Вольгу Балтрукевіч. Вольга выйшла на волю пасля 72 гадзін затрымання, Меляшкевіч — у красавіку 2023 года, Балтрукевіч — невядома калі. Таксама па справе праходзіў супрацоўнік Фонду «Вяртанне» Сяргей Макарэвіч, які таксама выйшаў па даручальніцтве. Цяпер стала вядома, што справу спынілі.
«Як той казаў, адна навіна добрая, іншая — благая. Крымінальная справа супраць працаўнікоў „Маёнтак Падароск“ — спыненая за адсутнасцю складу злачынства. Аддзел культуры забраў будынкі былой сядзібы Бохвіцаў. Прысабечыў паралельна яшчэ і чужой маёмасці», — напісаў Павел Падкарытаў у сацсетках. Вядома, што Ваўкавыскі райвыканкам зрабіў гэта з дапамогай судовага выканаўцы.
«Маёмасць — гэта недабудаваныя, не далучаныя да будынкаў і не ўведзеныя сеткі вадаправода і каналізацыі. Гэта мая маёмасць, якую я не купляў у Аддзела культуры і якую не павінен вяртаць, паколькі яна не ўваходзіць у склад набытай раней нерухомасці», — патлумачыў Павел. Ён будзе абскарджваць гэтае адабранне.
Пра тое, што ва ўладальніка «Маёнтка Падароск» Паўла Падкарытава забіраюць увесь комплекс будынкаў, стала вядома ў лістападзе 2023 года. Усе дамовы з ім разарвалі па выніках двух судовых працэсаў. Цяпер ім будзе валодаць мясцовы аддзел культуры. Прычынай стала «невыкананне ўмовы па ўводзе аб’ектаў у гаспадарчы абарот».
Чытайце таксама:
Новы сувенір у выглядзе "раскладанкі" са знакавымі аб'ектамі Гродна ствараюць улады. Яго выканаюць у выглядзе…
Трохпакаёвая кватэра знаходзіцца на вуліцы Савецкіх Пагранічнікаў. Сцены ў ёй абвешаныя рэпрадукцыямі, дзвярныя праёмы выкананы…
Спецыяльнае праграмнае забеспячэнне для сачэння за актыўнасцю ў камп'ютарах закупляе Гродзенскае агенцтва па дзяржаўнай рэгістрацыі…
У Гродне рэканструююць тэрыторыю, прылеглую да вадаёма па вул. Рэпіна. Там жа ўладкуюць дзіцячую інклюзіўную…
У Гродне адкрылася выстава, прысвечаная мясцоваму ўраджэнцу мастаку Льву Баксту. Экспазіцыю размясцілі ў харальнай сінагозе,…
Маршрут праз усю Беларусь запусціла гродзенская фірма "Пазітыў-тур". Шлях з Гродна ў Віцебск складзе амаль…