Медык. Ілюстрацыйнае фота unplash.com
26 і 27 снежня ў судзе Навагрудскага раёна прайшлі па два суды над медыкамі і супрацоўнікамі медыцынскіх устаноў. Яшчэ двух супрацоўнікаў аштрафавалі цягам месяца. Прычынай сталі «экстрэмісцкія» лагатыпы беларускіх медыя ў Instagram.
У канцы снежня судзілі чатырох супрацоўнікаў «УЗ» — верагодна, гаворка ідзе пра ўстанову аховы здароўя. Судзілі кухара, санітарку і двух медсясцёр.
За распаўсюд лагатыпа рэсурсу Zerkalo.io у Instagram кухара аштрафавалі на 20 базавых велічынь (740 рублёў) з канфіскацыяй мабільнага тэлефона. За тое ж медсястра атрымала штраф у 15 базавых велічынь (555 рублёў) з канфіскацыяй.
Санітарку і маці непаўналетняга дзіцяці за лагатып у Instagram аштрафавалі на 15 базавых велічынь (555 рублёў) з канфіскацыяй, яшчэ адну медсястру — на 20 базавых велічынь (740 рублёў) з канфіскацыяй за тры лагатыпы, у тым ліку «nexta_tv».
19 снежня за лагатыпы ў Instagram супрацоўніка УАЗ аштрафавалі на 15 базавых адзінак (555 рублёў) з канфіскацыяй, 15 снежня — медсястру на 20 базавых адзінак (740 рублёў) з канфіскацыяй за распаўсюд лагатыпаў «Белсат» і Zerkalo.io у Instagram. Іх профілі былі адкрытымі.
Чытайце таксама:
Гродзенскі абласны суд прызнаў Ежы Грыгенчу вінаватым паводле чатырох крымінальных артыкулаў. Яму прызначылі шэсць гадоў…
Блогер з Гродна Аляксей Саўко з ростам у 136 см апублікаваў фота ў футболцы “Команда…
Экран вышынёй 7 метраў з’явіўся на фасадзе гандлёва-забаўляльнага цэнтра Triniti на праспекце Янкі Купалы. Гэта…
Гродзенская вобласць страціла лідарскую пазіцыю па колькасці арганізаваных турыстаў. Цяпер сярод найбольш папулярных напрамкаў —…
Аперацыя праводзіцца на тэрыторыі Гродна і Гродзенскага раёна ў рамках камандна-штабных вучэнняў сілавікоў. На час…
Байкеры выявілі ў Пышках дрот, нацягнуты на ўзроўні шыі. Відэа яны размясцілі ў TikTok. "Вось…