Навіны

Дзіцячая пляцоўка і кавярня. На «Прывалцы» пабудуюць зону чакання з электроннай чаргой

Будаўніцтва зоны чакання на граніцы з Літвой збіраюцца пачаць у 2024 годзе. Яно пройдзе ў два этапы. Каля пункта пропуску з’явіцца ў тым ліку дзіцячая пляцоўка, пляцоўкі для адпачынку і санітарныя блокі. Ініцыятар работ — «Белмытсэрвіс».

У праекце зоны чакання пункта пропуску «Прывалка» («Райгардас» з літоўскага боку) закладзены:

  • будова праездаў, пляцовак, стаянак аўтатранспартных сродкаў;
  • арганізацыя сістэмы электроннай чаргі транспартных сродкаў для ўезду ў пункт пропуску;
  • добраўпарадкаванне месцаў для камфортнага чакання абслуговага персаналу;
  • падвод неабходных інжынерных сетак;
  • добраўпарадкаванне тэрыторыі;
  • будаўніцтва кальцавой развязкі на прылеглай тэрыторыі.

Участак пад будаўніцтва знаходзіцца на тэрыторыі са спецыяльным рэжымам аховы і выкарыстання (турысцка-рэкрэацыйны парк «Аўгустоўскі канал», прыродаахоўныя лясы) і ў ахоўнай зоне гідралагічнага помніка прыроды мясцовага значэння «Крыніца «Райгарад».

Патрабаванні да зон чакання вызначылі год таму. Яны ўступяць у сілу з 15 верасня 2024 года.

Што менавіта будзе ў зоне чакання

Першая чарга будаўніцтва прадугледжвае тэхнічныя рашэнні па падрыхтоўцы ўчастка для будаўніцтва, выдаленне на ім дрэў і кустоў, вертыкальную планіроўку і ўладкаванне праездаў для будаўнічай тэхнікі.

Другая чарга будаўніцтва прадугледжвае арганізацыю зоны чакання для аўтамабіляў і аўтобусаў, платнай стаянкі для легкавых аўтамабіляў, якая будзе ахоўвацца, службовай паркоўкі. Таксама размесцяць аб’екты прыдарожнага сэрвісу, санітарныя блокі, КПП і гараж. З’явяцца дзве артэзіянскія свідравіны для атрымання вады (працоўная і рэзервовая) і станцыі абезжалезвання, пажарныя рэзервуары, ачышчальныя і сажалка-выпарнік.

Паставяць пункт падключэння аўтамабіляў-рэфрэжыратараў на два пасты, зарадную станцыю для двух электрамабіляў, цеплапункт, дызельгенератарную ўстаноўку. Плануюць пабудаваць будынак прыдарожнага сэрвісу, будынак КПП, гараж-стаянку для ўборачнай тэхнікі і два ацяпляныя санітарныя блокі. У санітарным блоку зоны чакання для вадзіцеляў-дальнабойшчыкаў прадугледжаны душавыя, мужчынскія санвузлы, пральня-прасавальня.

Пасля добраўпарадкавання ўсталююць шэсць інфармацыйных табло, экраны, вонкавую рэкламу. З’явяцца дзіцячая пляцоўка і пляцоўкі для адпачынку. Тэрыторыю абгародзяць.

На скрыжаванні дарогі Р42 Гродна-Гожа-мяжа Літоўскай Рэспублікі і дарогі Н6603 да вёскі Прывалка запраектавалі кальцавое скрыжаванне на адным узроўні. Прыпынак грамадскага транспарту перанясуць далей ад яго. Прадугледжаны пешаходныя дарожкі да прыпынкаў і пераходы. Ад дарогі Н6603 да крыніцы і прыдарожнай кавярні «Родник» будзе праезд шырынёй 6 м.

У будынку прыдарожнага сэрвісу будзе гандлёвая зала з зонай кафэ на 16 пасадачных месцаў, падрыхтоўчы цэх для паўфабрыкатаў, туалеты і душавыя для работнікаў і наведвальнікаў, склад, камора прадуктаў, кабінет загадчыка, гардэроб для работнікаў. У кафэ плануюць прапаноўваць 80 умоўных страў, у зале будзе дзве кавамашыны і мікрахвалёўка.

Можна паўдзельнічаць у абмеркаваннях

Гродзенскі раённы выканаўчы камітэт праводзіць грамадскія абмеркаванні справаздачы аб ацэнцы ўздзеяння будаўніцтва на навакольнае асяроддзе. Заўвагі і прапановы можна выказаць да 5 студзеня 2024 года. Са справаздачай аб АУНА можна азнаёміцца:

  • У электронным выглядзе на афіцыйным сайце Гродзенскага райвыканкама ў раздзеле «Грамадскія абмеркаванні».
  • У праектнай арганізацыі УП «Гроднажылпраект». Кантактная асоба — галоўны інжынер праекта Іван Курчык, (+375 (29) 752−34−61, proekt@mail.grodno.by).
  • У заказчыка РУП «Белмытнясэрвіс». Кантактная асоба — намеснік генеральнага дырэктара А.І. Малахаў. (220 036, г. Мінск, вул. Лермантава, 27; +375 17 259 75 03; office@btslogistics.by).

Заўвагі і прапановы па справаздачы аб АУНА прымае Гродзенскі райвыканкам (230 029, г. Гродна, вул. Горкага, 51, тэл./факс +375 152 738 922). Кантактная асоба — намеснік начальніка аддзела архітэктуры і будаўніцтва Наталля Сяляўка (+375 152 738 939, info@grodnorik.gov.by).

Чытайце таксама: На мяжы з Літвой раварыстаў перасталі пускаць без чаргі. Аднойчы так ужо было

Падзяліцца

Апошнія запісы

Гронкі кветак, люстэркі і ружовае футра. У Гродне з’явіліся вясновыя фотазоны

Пакуль сады толькі заквітнеюць, ва ўстановах і крамах Гродна падрыхтавалі вясновыя фотазоны. Часта гэта гронкі…

2 красавіка 2025

Старадаўнія падвалы ў цэнтры Гродна прыцягваюць бізнес. Калі памяшканні можна выкарыстоўваць у камерцыйных мэтах?

На Савецкай вуліцы каля 80% падвалаў задзейнічаны пад бізнес, прыводзіць статыстыку газета “Гродзенская праўда”. Пры…

1 красавіка 2025

У Гродне адкрыецца школа барыста — арганізатары хочуць, каб ва ўстановах варылі якасную каву

Уладальнікі гродзенскіх кавярань «Крепкий белый» і «Крепкий черный» запускаюць школу барыста. Летась арганізатары ўжо праводзілі…

1 красавіка 2025

Гродзенец стварыў дакладную копію Фарнага касцёла ў мініяцюры — і друкуе фігуркі на 3D-прынтары

Гродзенец Ігар Апякун канструюе мэблю для круізных лайнераў - стварае прататыпы праз спецыяльную праграму. Ігар…

31 сакавіка 2025

Блогер-гісторык Яўген Аснарэўскі выдаў турыстычны даведнік па Гродне з аўтарскімі маршрутамі

Кніга «Удивительный Гродно» Яўгена Аснарэўскага выйшла ў мінскім выдавецтве «Рыфтур». Даведнік разлічаны і на турыстаў,…

31 сакавіка 2025

У Гродна прыйшоў новы трэнд — ранішнія рэйвы ў кавярнях

Як мінімум дзве гродзенскія кавярні, My Lover Berry і «Крепкий белый», вырашылі апрабаваць новы фармат…

31 сакавіка 2025