Навіны

Праект рэканструкцыі будынка ў Новым Свеце атрымаў дыплом. Раней большую частку будынка знеслі

Праект «Рэканструкцыя нежылога будынка пад шматфункцыянальны ў Гродне» адзначылі сярэбраным дыпломам Нацыянальнага незалежнага архітэктурнага рэйтынгу «Залатая капітэль 2023» (базуецца ў Новасібірску, Расія). Гаворка ідзе пра будынак на Філарэта, 13 (былы Горкага, 13). Ад арыгінальнай пабудовы засталіся толькі бакавыя фасады — брандмаўэры.

Праект атрымаў узнагароду ў намінацыі «Рэканструкцыя і рэстаўрацыя будынкаў і збудаванняў | Праекты». Пра гэта кампанія-парэкціроўшчык «Інтэлсток інжынірынг» паведаміла ў сваім Instagram.

Крыніца: instagram.com/intelstock

Канцэпцыя працы была ў «захаванні ўнікальнасці горадабудаўнічага асяроддзя, маштабу і цэласнасці гістарычнай забудовы», сказана ў апісанні праекту. Таксама ў яго закладвалі «гарманічнае ўзаемадзеянне старога і новага, пераасэнсаванне функцыі гістарычнага квартала і стварэнне лакальнага цэнтра прыцягнення для жыхароў раёна і турыстаў».

Праект прадугледжваў захаванне і аднаўленне арыгінальнага аблічча рэканстраванага будынка, змяненне функцыянальнага прызначэння. У тым ліку для гэтага да будынка прыбудоўваюць новы аб’ём з боку дваровага фасада. Новая прыбудова запраектавана «сумаштабнай», падобнай па габарытах і формаўтварэнні да навакольнай забудовы. Яе вырашылі будаваць без стылізацыі і «псеўдагісторызму». У цэлым аб’ём павінны успрымацца як забудова з трох блакіраваных дамоў.

Праект яшчэ знаходзіцца на стадыі рэалізацыі.

Большую частку будынка знеслі

Паводле першапачатковых умоў арыгінал павінны былі захаваць у пачатковым выглядзе і не зносіць за выключэннем аднаго элемента, але ў выніку ад будынка засталіся толькі дзве сцяны. Фасад планавалі адрэстаўраваць і ўдасканаліць, драўляныя элементы — абнавіць або замяніць, — прыводзіў канал Urban Hrodna апісанне праекта, апублікаванае «Вечернем Гродно». Пазней публікацыя змянілася.

Абследаванне паказала, што захаваць арыгінал ужо немагчыма, расказаў для Urban Hrodna замоўца будаўніцтва. У 2018 годзе будынак ужо быў прызнаны аварыйным і стаяў без жыхароў. Праект, паводле якога зараз ідзе рэканструкцыя, зацвердзіў Мінкульт.

Будынак будзе выглядаць так, як знесены драўляны, але крыху вышэйшым, падзяліўся замоўца будаўніцтва. Для пабудовы выкарыстоўваюць матэрыялы з негаручым насычэннем, бо з звычайнага дрэва нельга будаваць праз пажарныя нормы.

Якім будзе вынік

Пасля дабудоўвання новага двухпавярховага аб’ёму 8,7×19,5 м у задняй частцы будынка яго агульная плошча павялічыцца з 150 да 700 кв.м. Прастору арганізуюць паводле прынцыпу open space.

Арку вырашылі адбудаваць меншай, чым яна была раней, каб у двор маглі ўехаць машыны, пісаў «Вечерний Гродно». За будынкам з’явіцца паркоўка на 6 машына-месцаў.

Будоўлю планавалі завяршыць у чэрвені 2023 года.

Усё па законе

Будынак не з’яўляўся помнікам архітэктуры. Але разам з суседнімі ўтвараў унікальнае аблічча Новага Света — квартала, дзе захавалася драўляная забудова 100-гадовай даўніны. Гэты раён уваходзіць у ахоўную зону гістарычнага цэнтра Гродна, адносіцца да першага рэжыму зместу. Там забараняецца будаўніцтва прамысловых прадпрыемстваў, камунальна-складскіх аб’ектаў і збудаванняў, якія павялічваюць грузавыя патокі, забруджваюць навакольнае асяроддзе, выбухова- і пажаранебяспечных; узвядзенне будынкаў і збудаванняў,
а таксама рэканструкцыя існуючай забудовы без выкарыстання гістарычнага модуля па працягласці фасадаў і вышэй за адзнаку вільчака даху прылеглай забудовы (вышэй за 11 м ад узроўню зямлі да вышэйшай кропкі даху, вышэй 2 паверха з мансардай).

Іншыя ўзнагароды

Праект гандлёва-адміністрацыйнага цэнтра на скрыжаванні вуліц Пушкіна і Дубко ад гродзенскай кампаніі «Інтэлсток інжынірынг» атрымаў Малы Гран-Пры на конкурсе ў рамках XV Нацыянальнага фестывалю архітэктуры. Пераможцаў аб’явілі 21 кастрычніка 2023 года ў Мінску.

У чэрвені 2021 года каманда Віктара Вараб’я і Вадзіма Жука з «Інтэлсток Інжынірынг» атрымалі сярэбраны дыплом на тым жа конкурсе, дзе зараз адзначылі праект у Новым Свеце. Тады ўзнагароду атрымаў праект офіснага цэнтра на Вялікай Траецкай. Зараз яго якраз будуюць.

Таксама зараз кампанія рыхтуе праект рэстаўрацыі закінутага будынка былога скурвендыспансера на вуліцы Васілька.

Апошнія запісы

«Інтэр'еры з Pinterest» і «цэны як у Венецыі». У Гродне адкрылі буцік-гатэль The Cult на месцы знесенага гістарычнага будынка

У Гродне на Віленскай, 37 адкрыўся новы буцік-гатэль і рэстаран The Cult - і выклікаў…

2 красавіка 2025

Гронкі кветак, люстэркі і ружовае футра. У Гродне з’явіліся вясновыя фотазоны

Пакуль сады толькі заквітнеюць, ва ўстановах і крамах Гродна падрыхтавалі вясновыя фотазоны. Часта гэта гронкі…

2 красавіка 2025

Старадаўнія падвалы ў цэнтры Гродна прыцягваюць бізнес. Калі памяшканні можна выкарыстоўваць у камерцыйных мэтах?

На Савецкай вуліцы каля 80% падвалаў задзейнічаны пад бізнес, прыводзіць статыстыку газета “Гродзенская праўда”. Пры…

1 красавіка 2025

У Гродне адкрыецца школа барыста — арганізатары хочуць, каб ва ўстановах варылі якасную каву

Уладальнікі гродзенскіх кавярань «Крепкий белый» і «Крепкий черный» запускаюць школу барыста. Летась арганізатары ўжо праводзілі…

1 красавіка 2025

Гродзенец стварыў дакладную копію Фарнага касцёла ў мініяцюры — і друкуе фігуркі на 3D-прынтары

Гродзенец Ігар Апякун канструюе мэблю для круізных лайнераў - стварае прататыпы праз спецыяльную праграму. Ігар…

31 сакавіка 2025

Блогер-гісторык Яўген Аснарэўскі выдаў турыстычны даведнік па Гродне з аўтарскімі маршрутамі

Кніга «Удивительный Гродно» Яўгена Аснарэўскага выйшла ў мінскім выдавецтве «Рыфтур». Даведнік разлічаны і на турыстаў,…

31 сакавіка 2025