Навіны

Праект гродзенскіх архітэктараў атрымаў гран-пры на фестывалі: вось які бізнес-цэнтр можа з’явіцца на Дубко

Праект гандлёва-адміністрацыйнага цэнтра на скрыжаванні вуліц Пушкіна і Дубко ад гродзенскай кампаніі «Інтэлсток Інжынірынг» атрымаў Малы Гран-Пры на конкурсе ў рамках XV Нацыянальнага фестывалю архітэктуры. Пераможцаў аб’явілі 21 кастрычніка ў Мінску.

Аўтары праекта — архітэктар Віктар Варабей і інжынер Вадзім Жук.

Праект гандлёва-адміністрацыйнага цэнтра на Дубко. Выява: instagram.com/intelstock

Гандлёва-адміністрацыйны цэнтр запланаваны на скрыжаванні на мяжы двух раёнаў - адміністрацыйнага (забудова вуліцы Дубко) і жылога (забудова вуліцы Пушкіна), які складаецца з аднатыпных панэльных дамоў.

Рог будынка мае выгляд пераламанай «кубістычнай» лініі. Там жа, на рагу, запланавана паглыбленая ўваходная група. Яна «становіцца працягам вулічнай плошчы і быццам „заваблівае“ прахожых унутр», піша кампанія ў сваім Instagram. У вячэрні час будынак павінен, дзякуючы вялікай колькасці шкла, актыўна падсвятляцца і ператварацца ў светлавую і каляровую дамінанту.

Узнагароджаныя аўтары праекта — злева з узнагародай у руках. Фота: instagram.com/intelstock

Гэта не першая ўзнагарода для каманды Віктара Вараб’я і Вадзіма Жука з «Інтэлсток Інжынірынг». У чэрвені 2021 года яны атрымалі сярэбраны дыплом Нацыянальнага незалежнага архітэктурнага рэйтынгу «Залатая капітэль-2021» (базіруецца ў Новасібірску). Тады адзначылі іх праект офіснага цэнтра на Вялікай Траецкай. Цяпер яго якраз будуюць.

Узнагароджаны ў 2021 годзе праект кампаніі «Інтэлсток Інжынірынг». Малюнак: instagram.com/intelstock
Будаўніцтва офіснага цэнтра на Вялікай Траецкай у Гродне. Лета 2023. Скрыншот Hrodna.life з панарамнага фота сэрвісу Яндекс.Карты

Гэта не адзіная праца «Інтэлсток» у гістарычным цэнтры Гродна. Вядома, што кампанія рыхтуе таксама праект рэстаўрацыі закінутага будынка былога скурвендыспансера на вуліцы Васілька.

Падзяліцца

Апошнія запісы

«Інтэр'еры з Pinterest» і «цэны як у Венецыі». У Гродне адкрылі буцік-гатэль The Cult на месцы знесенага гістарычнага будынка

У Гродне на Віленскай, 37 адкрыўся новы буцік-гатэль і рэстаран The Cult - і выклікаў…

2 красавіка 2025

Гронкі кветак, люстэркі і ружовае футра. У Гродне з’явіліся вясновыя фотазоны

Пакуль сады толькі заквітнеюць, ва ўстановах і крамах Гродна падрыхтавалі вясновыя фотазоны. Часта гэта гронкі…

2 красавіка 2025

Старадаўнія падвалы ў цэнтры Гродна прыцягваюць бізнес. Калі памяшканні можна выкарыстоўваць у камерцыйных мэтах?

На Савецкай вуліцы каля 80% падвалаў задзейнічаны пад бізнес, прыводзіць статыстыку газета “Гродзенская праўда”. Пры…

1 красавіка 2025

У Гродне адкрыецца школа барыста — арганізатары хочуць, каб ва ўстановах варылі якасную каву

Уладальнікі гродзенскіх кавярань «Крепкий белый» і «Крепкий черный» запускаюць школу барыста. Летась арганізатары ўжо праводзілі…

1 красавіка 2025

Гродзенец стварыў дакладную копію Фарнага касцёла ў мініяцюры — і друкуе фігуркі на 3D-прынтары

Гродзенец Ігар Апякун канструюе мэблю для круізных лайнераў - стварае прататыпы праз спецыяльную праграму. Ігар…

31 сакавіка 2025

Блогер-гісторык Яўген Аснарэўскі выдаў турыстычны даведнік па Гродне з аўтарскімі маршрутамі

Кніга «Удивительный Гродно» Яўгена Аснарэўскага выйшла ў мінскім выдавецтве «Рыфтур». Даведнік разлічаны і на турыстаў,…

31 сакавіка 2025