Праект гандлёва-адміністрацыйнага цэнтра на Дубко. Фота: instagram.com/intelstock
Праект гандлёва-адміністрацыйнага цэнтра на скрыжаванні вуліц Пушкіна і Дубко ад гродзенскай кампаніі «Інтэлсток Інжынірынг» атрымаў Малы Гран-Пры на конкурсе ў рамках XV Нацыянальнага фестывалю архітэктуры. Пераможцаў аб’явілі 21 кастрычніка ў Мінску.
Аўтары праекта — архітэктар Віктар Варабей і інжынер Вадзім Жук.
Гандлёва-адміністрацыйны цэнтр запланаваны на скрыжаванні на мяжы двух раёнаў - адміністрацыйнага (забудова вуліцы Дубко) і жылога (забудова вуліцы Пушкіна), які складаецца з аднатыпных панэльных дамоў.
Рог будынка мае выгляд пераламанай «кубістычнай» лініі. Там жа, на рагу, запланавана паглыбленая ўваходная група. Яна «становіцца працягам вулічнай плошчы і быццам „заваблівае“ прахожых унутр», піша кампанія ў сваім Instagram. У вячэрні час будынак павінен, дзякуючы вялікай колькасці шкла, актыўна падсвятляцца і ператварацца ў светлавую і каляровую дамінанту.
Гэта не першая ўзнагарода для каманды Віктара Вараб’я і Вадзіма Жука з «Інтэлсток Інжынірынг». У чэрвені 2021 года яны атрымалі сярэбраны дыплом Нацыянальнага незалежнага архітэктурнага рэйтынгу «Залатая капітэль-2021» (базіруецца ў Новасібірску). Тады адзначылі іх праект офіснага цэнтра на Вялікай Траецкай. Цяпер яго якраз будуюць.
Гэта не адзіная праца «Інтэлсток» у гістарычным цэнтры Гродна. Вядома, што кампанія рыхтуе таксама праект рэстаўрацыі закінутага будынка былога скурвендыспансера на вуліцы Васілька.
На Румлёўскім праспекце ў Гродне ўзвядуць транспартную развязку. Грунт у раёне абследуюць на заражанасць насеннем…
У мікрараёне Фолюш у Гродне ўзвядуць парк адпачынку. Яго хочуць зрабіць камфортным для моладзі і…
Гродзенцы звярнулі ўвагу, што з будынка па вуліцы Ажэшкі, 42 знікла шыльда «Спорттавары». Instagram-акаўнт крамы…
Іміджавы фільм аб інвестыцыйнай прывабнасці Гродна задумалі ў гарвыканкаме. На яго выдаткуюць бюджэтныя грошы. Відэа…
У Гродне пачалі прадаваць «крамбл кукіс» — амерыканскае печыва з рознымі дадаткамі і салодкімі топінгамі.…
Сацсеткі панк-гурта з Гродна Dzieciukі і сам гэты надпіс у Беларусі прызналі "экстрэмісцкімі матэрыяламі". Паводле фармулёўкі…