У кінапрасторы mooon у гандлёва-забаўляльным комплексе Triniti да адкрыцця рыхтуюць новую кіназалу. Там будуць забаўкі для дзяцей.
Чым будзе адметная новая зала?
У новай зале размесцяць канапы і дзіцячыя зоны для гульняў. Там дзеці змогуць гуляць наўпрост падчас кінасеанса.
Падобную залю ў жніўні 2023 года адкрылі ў кінапрасторы mooon у мінскім гандлёва-забаўляльным цэнтры Palazzo. Там арганізавалі сухі басейн, лабірынт і развіваючыя гульні.
Як даўно mooon працуе ў Гродне
Кінапрастора mooon адкрылі ў ГЗК Triniti ў сакавіку 2021 года. Mooon — пяцізальны кінатэатр сеткі Silver Screen. Гродна — першы абласны горад пасля Мінска, дзе адкрылі такі кінатэатр. У кінапрасторы можна не толькі глядзець фільмы. Там ёсць кафэ, забаўляльныя і гульнявыя зоны, крама з коміксамі, цацкамі і кнігамі, снэк-бар, зоны для фота і адпачынку.
Зараз у mooon адбываецца кінафестываль
Да 8 кастрычніка ў Гродне можна наведаць фестываль кароткаметражнага кіно MANHATTAN SHORT Film Festival. Там можна паглядзець 10 фільмаў з васьмі краінаў на тэму складанасцяў, якія чалавек стварыў сабе сам.
Чытайце таксама: Манхэтанскі кінафестываль зноў у Гродне. Дзе і што паказваюць сёлета?
