Котакафэ ў Гродне. Крыніца: grodno.in
Гродзенскае котакафэ «Коткін дом» не будзе працаваць у кастрычніку 2023 года. Прычына — пераезд на новы адрас, паведамілі ў Instagram установы.
«Мы закрываемся… Але толькі для таго, каб расчыніць свае дзверы ў новай хатцы для коцікаў», — пішуць арганізатары кафэ. Яны раяць паспець запісацца на наведванне ў верасні, бо ў кастрычніку будуць займацца пераездам і рабіць рамонт у новым памяшканні.
«Коткін дом» — першае котакафэ ў Гродне. Яго адкрыла сямейная пара Андрэй і Вольга Ластоўскія ў жніўні 2022 года. Уваход у кафэ платны — 12 рублёў. Наведаць «Коткін дом» можна па папярэднім запісе, групамі да пяці чалавек.
Да кастрычніка кафэ размяшчаецца па адрасе Віленская, 6 — у звычайнай кватэры старога будынка. У «Коткін дом» трапляюць коткі, якіх знайшлі на вуліцы альбо перадалі валанцёры.
Чытайце таксама: Як дапамагчы бяздомным жывёлам і не нашкодзіць сабе?
Першае котакафэ ў свеце адкрылі ў 1998 годзе ў тайванскім горадзе Тайбэй, адтуль мода перайшла ў Японію. Першае котакафэ ў Еўропе адкрылі ў Санкт-Пецярбургу ў 2011 годзе. Вядомае многім гродзенцам котакафэ ў Вільні працуе з 2014 года. Асноўная задума такіх установаў - паглядзець на котак і пагуляць з імі. Котакафэ ў Вільні альбо Беластоку адрозніваюцца ад гродзенскага: там яны працуюць як сапраўдныя кавярні са сваёй кухняй, а ў нас яно нагадвае хутчэй антыкафэ.
У котакафэ ў Гродне праводзяць 1,5-гадзінную экскурсію, у час якой расказваюць пра праект і лёс жывёлаў, якія там жывуць. Таксама можна выпіць гарбаты альбо кавы. Дзяцей на экскурсію пускаюць з 10 гадоў - калі дзіця ўжо навучана адносінам да жывёлаў. «Але калі бацькі вельмі просяць, то ідзем на саступкі», — казала Вольга Ластоўская.
Каты — самастойныя жывёлы, прыходзяць ці сыходзяць калі хочуць. У кафэ для іх арганізавы асобны пакой адпачынку, куды яны могуць сысці.
Чытайце таксама: Дэльфін — не рыба. Ён — кот-палітэмігрант і псіхатэрапеўт. Як гадаванец прайшоў з гаспадарамі ператрусы, суды і пераезды
Новы сувенір у выглядзе "раскладанкі" са знакавымі аб'ектамі Гродна ствараюць улады. Яго выканаюць у выглядзе…
Трохпакаёвая кватэра знаходзіцца на вуліцы Савецкіх Пагранічнікаў. Сцены ў ёй абвешаныя рэпрадукцыямі, дзвярныя праёмы выкананы…
Спецыяльнае праграмнае забеспячэнне для сачэння за актыўнасцю ў камп'ютарах закупляе Гродзенскае агенцтва па дзяржаўнай рэгістрацыі…
У Гродне рэканструююць тэрыторыю, прылеглую да вадаёма па вул. Рэпіна. Там жа ўладкуюць дзіцячую інклюзіўную…
У Гродне адкрылася выстава, прысвечаная мясцоваму ўраджэнцу мастаку Льву Баксту. Экспазіцыю размясцілі ў харальнай сінагозе,…
Маршрут праз усю Беларусь запусціла гродзенская фірма "Пазітыў-тур". Шлях з Гродна ў Віцебск складзе амаль…