Навіны

Засвоіць дрыфт трайк і выйграць веласіпед: кароткая праграма аўтафестывалю «Лакацыя» ў Гродне

Найбуйнейшы беларускі аўтафестываль пройдзе ў Гродне 22 ліпеня. Ён адбудзецца на тэрыторыі ТРК TRINITI. Каб пазбегнуць чэргаў, арганізатары змянілі таймінг фестывалю. У гэтым годзе гасцей чакае фудкорт і музыка.

Сёлета «Лакацыя» адкрывае свае дзверы ў 11:00, урачыстая праграма пачынаецца ў 12:30, а асноўныя шоу — у 14:00, піша «АўтаГродна». З поўнай праграмай і спісам прызоў можна азнаёміцца асобна.

Што чакае на «Лакацыі - 2023»:

  • Выстава аўто з 4 краін. Можна будзе выбраць 1 з 200 аўтамабіляў і аддаць за яго свой голас.
  • Спаборніцтвы па Burnout.
  • Спаборніцтвы на самы гучны выхлап. Гледачы змогуць галасаваць за самую гучную выхлапную сістэму фестывалю і за самую гучную акустычную сістэму.
  • 10 конкурсаў і выбар аднаго з 700 падарункаў.
  • Спаборніцтвы самых гучных аўтамабіляў Беларусі.
  • Сустрэча з топавымі блогерамі Беларусі.
  • Выстава маштабных мадэляў з усёй Беларусі.
  • Выстава топавых электрамабіляў з Кітая.
  • Зона RC-дрыфту, RC-Трофі, трайкаў, моноколес. Можна будзе навучыцца ездзіць на моноколесах і дрифтовых трайках.
  • Музычная праграма.
  • Фудкорт.

Удзельнікі фестывалю будуць дарыць наведвальнікам стыкеры.

Пасля 20.00 на сцэне фестывалю разыграюць галоўныя падарункі ад партнёраў - ад ровара да iPhone 14.

Якія будуць конкурсы

Арганізатары падрыхтавалі гульнявыя карткі для 700 наведвальнікаў фестывалю. Удзельнікам трэба будзе прайсці конкурсы ў партнёраў фэста і атрымаць 10 пячатак. Сярод заданняў, напрыклад — першым праехаць на радыёкіраванай мадэлі, хутчэй за астатніх сабраць аўтамабільны набор інструментаў, скруціць шматскладовы дыск ад аўтамабіля, падабраць ключы да замка запальвання і гэтак далей. Прайшоўшы ўсе заданні, трэба будзе выбраць сабе падарунак. Карткі будуць выдавацца каля ўваходу ў два перыяды, пра што будзе прапісана ў праграме.

Умовы ўваходу і ўдзелу

Уваходны квіток у гэтым годзе каштуе 20 рублёў. Бясплатна прапусцяць дзяцей да 12 гадоў (уключна) і людзей з інваліднасцю. Можна фатаграфаваць, але пры гэтым нельга прыхінацца да аўтамабіляў удзельнікаў: нават маленькая драпіна — ужо вялікая праблема. Калі захочацца пасядзець у салоне якога-небудзь аўто, арганізатары прапануюць проста папрасіць дазволу ўладальніка.

На фестываль не прапусцяць з жывёламі. Таксама нельга праносіць алкаголь і іншыя напоі, шкляную тару, лёгка запальныя рэчывы, прадметы, забароненыя да абароту.

Калі едзеце здалёк

Шукаць спадарожнікаў можна праз чат фестываля. Таксама арганізатары стварылі мапу спадарожнікаў, дзе можна проста абраць патрэбны горад і з’явіцца спіс кіроўцаў і тых, хто шукае месца ў машыне.


Першы фестываль «Лакацыя» прайшоў 20 жніўня 2022 года на паркінгу Triniti. На яго прыехалі больш за 150 рэдкіх аўто. Многія замежныя ўдзельнікі так і не даехалі з-за вялікіх чэргаў на межах. «Лакацыю» правялі замест фестывалю SunDay — штогадовага аўтафестывалю, які да пандэміі COVID-19 праходзіў на пляцоўцы ля Юбілейнага возера.

Чытайце таксама: Ад рыцарскіх турніраў да джазавых канцэртаў. 20 фестываляў лета 2023 у Беларусі

Падзяліцца

Апошнія запісы

«Інтэр'еры з Pinterest» і «цэны як у Венецыі». У Гродне адкрылі буцік-гатэль The Cult на месцы знесенага гістарычнага будынка

У Гродне на Віленскай, 37 адкрыўся новы буцік-гатэль і рэстаран The Cult - і выклікаў…

2 красавіка 2025

Гронкі кветак, люстэркі і ружовае футра. У Гродне з’явіліся вясновыя фотазоны

Пакуль сады толькі заквітнеюць, ва ўстановах і крамах Гродна падрыхтавалі вясновыя фотазоны. Часта гэта гронкі…

2 красавіка 2025

Старадаўнія падвалы ў цэнтры Гродна прыцягваюць бізнес. Калі памяшканні можна выкарыстоўваць у камерцыйных мэтах?

На Савецкай вуліцы каля 80% падвалаў задзейнічаны пад бізнес, прыводзіць статыстыку газета “Гродзенская праўда”. Пры…

1 красавіка 2025

У Гродне адкрыецца школа барыста — арганізатары хочуць, каб ва ўстановах варылі якасную каву

Уладальнікі гродзенскіх кавярань «Крепкий белый» і «Крепкий черный» запускаюць школу барыста. Летась арганізатары ўжо праводзілі…

1 красавіка 2025

Гродзенец стварыў дакладную копію Фарнага касцёла ў мініяцюры — і друкуе фігуркі на 3D-прынтары

Гродзенец Ігар Апякун канструюе мэблю для круізных лайнераў - стварае прататыпы праз спецыяльную праграму. Ігар…

31 сакавіка 2025

Блогер-гісторык Яўген Аснарэўскі выдаў турыстычны даведнік па Гродне з аўтарскімі маршрутамі

Кніга «Удивительный Гродно» Яўгена Аснарэўскага выйшла ў мінскім выдавецтве «Рыфтур». Даведнік разлічаны і на турыстаў,…

31 сакавіка 2025