Пункт пропуску "Урбаны". Скрыншот Hrodna.life
На мяжы з Латвіяй беларусам праводзяць сумоўе і агляд тэлефона. Пра гэта ў прыгранічных чатах паведамілі адразу некалькі карыстальнікаў. Паведамленні пра гэта з’явіліся на мінулых выхадных.
Некаторыя беларусы выбіраюць паездку праз Латвію, каб падоўгу не стаяць на польскай ці літоўскай мяжы. Так зрабіў і адзін з карыстальнікаў. Але праходжанне зацягнулася на 3,5 гадзіны праз тое, што ўсіх беларусаў запрашалі на гутарку латвійскія памежнікі.
Іншы карыстальнік паведаміў, што яго падрабязна распытвалі латвійскія памежнікі — куды ён едзе і з якой мэтай.
У чаце карыстальнікі дзякавалі за інфармацыю і пісалі, што перадумалі ехаць праз латвійскую мяжу.
Перасекчы беларуска-латвійскую мяжу можна ў пункце пропуску «Урбаны».
Некалькі месяцаў допытамі на мяжы займаецца беларускі бок. Гутарка і асабісты дагляд чакае ўсіх, хто трапіў у базу «беспарадкі». Акрамя таго, людзей могуць выклікаць выпадковым чынам. Асаблівая ўвага чакае замежнікаў — асабліва, украінцаў.
Чытайце таксама:
Міліцыя Гродна шукае пастаўшчыка абедаў у ізалятар часовага ўтрымання Кастрычніцкага РУУС. З 2011 года ежу…
Гродзенец Павел Юшкевіч, які жыве ў Торуні, атрымаў польскае грамадзянства па рашэнні Куяўска-Паморскага ваяводы. Раней…
Штогод у Гродзенскай вобласці выяўляюць больш за 6 тысяч анкалагічных захворванняў. Па стане на 2025…
Гродзенскі прадпрымальнік Артур Рымша выпусціў кліп на песню "Дзве сястры" - у ёй мужчына спявае…
"Лідскае піва" памяняла фармат тары для брэнда KORONET Lager. Прычына ў адсутнасці патрэбнай тары -…
Гродзенскі рок-гурт 8sonca запісаў трэці музычны альбом. Музыкі прысвяцілі яго каханню і ўнутраным перажыванням. Рэліз…