Таццяна Калач. Фота: Instagram праекта
Гродзенка Таццяна Калач стварае дзіцячую кнігу пра беларускую міфалогію. У праекце «Прыгоды Ваўчка ў міфічным свеце» можа прыняць удзел кожны — даслаўшы аўтарцы праекта свае малюнкі.
Праект пачаўся яшчэ ў 2021 годзе, расказала мастачка для «Радыё Ўнэт». Тады Таццяна ўдзельнічала ў міжнародным мастацкім конкурсе, прысвечаным беларускай міфалогіі. Пасля была міні-выстава для сяброў, і з’явілася ідэя скласці да кожнага малюнка казачную гісторыю. Так нарадзілася думка пра дзіцячую кнігу. Праект развіваўся, і ўжо сёлета Таццяна зразумела, што спатрэбяцца таксама ўводзіны, з якіх дзеці і падлеткі, якія ніколі не сутыкаліся з беларускай міфалогіяй, змогуць даведаццца пра яе і пра нейкія асаблівасці нячысцікаў, якія будуць згадвацца ў кнізе.
Сюжэт будуецца вакол галоўнага персанажа — Ваўчка, які быццам бы вандруе ў міфалагічным свеце Беларусі і сустракае там розных нячысцікаў. Яшчэ раней мастачка стварала дзіцячыя кніжкі пра персанажа Ваўчка са сваіх сямейных гісторый — яго яна і абрала для новага праекта.
«Мне хочацца даць намёк на нейкую вобразнасць. Каб чытач не бачыў гатовую ілюстрацыю, а прыдумаў сам па апісанню з кніжкі, як можа выглядаць гэты персанаж. То бок нават у афармленні ілюстрацый у мяне не будзе канкрэтнага выгляду нячысцікаў, будуць хутчэй нейкія намёкі, якія глядач, чытач зможа ўжо сам неяк аформіць і прыдумаць, а як жа мог выглядаць гэты нячысцік», — расказвае аўтарка.
Ад самага пачатку Таццяна расказвала пра стварэнне кнігі на адмысловай старонцы ў Instagram. Зараз слухаць казкі можна і на YouTube. У Instagram ідзе расповяд пра тое, як ствараецца кніжка, і пра беларускую міфалогію. «Там мы малюем хуткія скетчы і гэтак жа мы чытаем казкі, успаміны, гісторыі з беларускай і ўжо польскай міфалогіі. Кніжка ствараецца не так хутка, як хацелася б, а чытачу цікава кожны тыдзень назіраць што цікавенькага ёсць сёння. Таму мы спалучаем і гісторыі, і напісанне кніжкі, і шмат чаго». На YouTube праект вядзе іншая мастачка, таксама Таццяна.
Праект «Прыгоды Ваўчка» разлічаны на дзяцей ад васьмі гадоў.
Зараз Таццяна жыве ў Беластоку. Паводле планаў аўтаркі, кніга з казкамі мусіць выйсці ўжо ў наступным годзе. Магчыма, будуць пераклады на некалькі іншых моў, напрыклад, на польскую і англійскую.
Чытайце таксама: Свая цішотка бліжэй да цела: этнакрама «Цудоўня» стварае калекцыю з выявамі беларускіх міфічных істот
Новы сувенір у выглядзе "раскладанкі" са знакавымі аб'ектамі Гродна ствараюць улады. Яго выканаюць у выглядзе…
Некалькі сотняў Дзядоў Марозаў, Снягурак, сабачак, вавёрачак і разнастайных іншых персанажаў 20 снежня прайшлі ад…
Трохпакаёвая кватэра знаходзіцца на вуліцы Савецкіх Пагранічнікаў. Сцены ў ёй абвешаныя рэпрадукцыямі, дзвярныя праёмы выкананы…
Спецыяльнае праграмнае забеспячэнне для сачэння за актыўнасцю ў камп'ютарах закупляе Гродзенскае агенцтва па дзяржаўнай рэгістрацыі…
У Гродне рэканструююць тэрыторыю, прылеглую да вадаёма па вул. Рэпіна. Там жа ўладкуюць дзіцячую інклюзіўную…
У Гродне адкрылася выстава, прысвечаная мясцоваму ўраджэнцу мастаку Льву Баксту. Экспазіцыю размясцілі ў харальнай сінагозе,…