Навіны

«Прывал» працягваюць уладкоўваць: там з’явіцца лазня з марскога кантэйнера

На тэрыторыі базы адпачынку «Прывал» у Нёмана ў раёне ўрочышча Пышкі ўзвядуць лазню на базе марскога кантэйнера. Для гэтага распрацоўваюць перадпраектную дакументацыю і праводзяць праектна-пошукавыя работы. Пабудуе яе Гродзенская тытунёвая фабрыка «Нёман» за свой кошт.

Лазню пабудуюць на базе марскога 20-футавага кантэйнера, абсталяванага ўнутранымі інжынернымі сеткамі. У ёй будзе пакой адпачынку, санвузел, душавая, прылазнік і парная, тэхнічнае памяшканне і памяшканне апальшчыка. Звонку яна будзе аздобленая металічным блок-хаўсам. Дах будзе з металадахоўкі з водаадлівам. Падчас распрацоўкі створаць тры варыянты архітэктурна-планіровачнай канцэпцыі.

На тэрыторыі ўсталююць купель з убудаванай печчу. На даху лазні будуць сонечныя панэлі.

Тэрыторыю добраўпарадкуюць

Тратуары на тэрыторыі зробяць з бетоннай дробнаштучнай пліткі. Паміж гасцявымі дамамі і лазняй будзе жывая загарадзь. Звонку ўсталююць супрацьпажарнае водазабеспячэнне. На тэрыторыі будзе відэаназіранне. Таксама запланавана добраўпарадкаванне і азеляненне тэрыторыі.

Лазню падключаць да ўсіх камунікацый. Там плануюць выкарыстоўваць энергазберагальныя свяцільні. Магчыма, пабудуюць дадатковыя ачышчальныя збудаванні.

На працы адводзяць пяць месяцаў. На гэта выдаткуюць 20 000 рублёў.

Што яшчэ зробяць на «Прывале»?

На тэрыторыі базы адпачынку «Прывал» таксама запланавалі пабудову кемпінгаў з марскіх кантэйнераў (у прыдачу да тых домікаў, якія ўжо працуюць на тэрыторыі). А яшчэ там вырашылі зрабіць пераправу праз Нёман на базе баржы замест маста, які планавалі раней. «Табачка» збіраецца выкарыстоўваць сонечную энергію: панэлі ўсталююць на кемпінгах і іншых аб’ектах базы адпачынку.

Падзяліцца

Апошнія запісы

Гронкі кветак, люстэркі і ружовае футра. У Гродне з’явіліся вясновыя фотазоны

Пакуль сады толькі заквітнеюць, ва ўстановах і крамах Гродна падрыхтавалі вясновыя фотазоны. Часта гэта гронкі…

2 красавіка 2025

Старадаўнія падвалы ў цэнтры Гродна прыцягваюць бізнес. Калі памяшканні можна выкарыстоўваць у камерцыйных мэтах?

На Савецкай вуліцы каля 80% падвалаў задзейнічаны пад бізнес, прыводзіць статыстыку газета “Гродзенская праўда”. Пры…

1 красавіка 2025

У Гродне адкрыецца школа барыста — арганізатары хочуць, каб ва ўстановах варылі якасную каву

Уладальнікі гродзенскіх кавярань «Крепкий белый» і «Крепкий черный» запускаюць школу барыста. Летась арганізатары ўжо праводзілі…

1 красавіка 2025

Гродзенец стварыў дакладную копію Фарнага касцёла ў мініяцюры — і друкуе фігуркі на 3D-прынтары

Гродзенец Ігар Апякун канструюе мэблю для круізных лайнераў - стварае прататыпы праз спецыяльную праграму. Ігар…

31 сакавіка 2025

Блогер-гісторык Яўген Аснарэўскі выдаў турыстычны даведнік па Гродне з аўтарскімі маршрутамі

Кніга «Удивительный Гродно» Яўгена Аснарэўскага выйшла ў мінскім выдавецтве «Рыфтур». Даведнік разлічаны і на турыстаў,…

31 сакавіка 2025

У Гродна прыйшоў новы трэнд — ранішнія рэйвы ў кавярнях

Як мінімум дзве гродзенскія кавярні, My Lover Berry і «Крепкий белый», вырашылі апрабаваць новы фармат…

31 сакавіка 2025