Тэрэспаль-Брэст 30 мая 2023 года. Фота: Telegram-чат ”ГраницаBYPL”
Каля 8.35 30 мая грамадзянін Расіі з Чачні пратараніў Польскі шлагбаўм, прабіў колы на сярэдзіне моста і затрымаўся перад аўтобусам. Пра гэта паведамілі ў чаце «ГраницаBYPL». Яго жонка з трыма дзецьмі перабегла ў Беларусь. Памежнікі затрымалі мужчыну — «закавалі ў кайданкі».
Мужчына быў на чорным BMW x5 і спрабаваў прарвацца праз мяжу з Польшчы ў Беларусь на памежным пераходзе Цярэспаль-Брэст. У аўто прабіта мінімум адно кола.
Пасля спробы прарыву рух з Польшчы ў Беларусь на пераходзе спынілі. У 9.20 чарга перад мяжой налічвала шэсць аўтобусаў. На мосце выставілі агароджы.
З 9.35 рух у бок Беларусі запусцілі. У 9.45 — і ў бок Польшчы.
UPD 12.10. Унутры аўто знаходзіліся двое дарослых — жанчына і мужчына. Абодва — грамадзяне Расіі. Іх суправаджалі дзіця з расійскім пашпартам і двое дзяцей са шведскімі пашпартамі. Як стала вядома карэспандэнту RMF FM, двум дзецям забаронена пакідаць Швецыю.
Калі афіцэр сабраў пашпарты для праверкі, аўтамабіль рушыў у беларускім кірунку і пратараніў шлагбаўмы. Машына спынілася пасярод памежнага моста. Жанчыне з трыма дзецьмі ўдалося перасекчы мяжу і трапіць на тэрыторыю Беларусі. Мужчына быў затрыманы. Ён будзе несці адказнасць за спробу гвалтоўнага перасячэння мяжы і нанесеныя разбурэнні.
Чытайце таксама:
Гродзенскі прадпрымальнік Артур Рымша выпусціў кліп на песню "Дзве сястры" - у ёй мужчына спявае…
"Лідскае піва" памяняла фармат тары для брэнда KORONET Lager. Прычына ў адсутнасці патрэбнай тары -…
Гродзенскі рок-гурт 8sonca запісаў трэці музычны альбом. Музыкі прысвяцілі яго каханню і ўнутраным перажыванням. Рэліз…
Валанцёры грамадскай арганізацыі "Адданае сэрца" просяць гродзенцаў дапамагчы з мэбляй. У домік для катоў, які…
Гродзенка купіла клубніцы ў шакаладзе ад кавярні MyLoverBerry і вырашыла пакаштаваць яе на відэа. Дзяўчыну…
Вядучая "Марафону адзінства" Анастасія Кісель, студэнт года і дэлегат Усебеларускага народнага сходу, павінна была атрымаць…