Карыснае

Лянівыя галубцы — хуткі рэцэпт за 5 крокаў

У выхадныя хочацца паленавацца нават галубцам. Таму і гатаваць будзем не звычайныя, а лянівыя галубцы. Тым больш, што ў крамах ужо з’явілася свежая капуста, каторая гатуецца хутчэй, чым тая, што нарыхтоўвалася на зіму. Цёця Іра паабяцала, што ўся праца ўкладзецца ў 5 крокаў - то рушым.

Неабходныя прадукты

  • Капуста — маленькі качан
  • Фарш курыны — 500 г
  • Рыс — 150 г
  • Цыбуля — 1 шт
  • Морква — 1 шт
  • Салера — ¼ невялікага кораня
  • 300 г — таматаў ва ўласным соку
  • 200 г натуральнага ёгурта
  • Алей — 3−4 сталовыя лыжкі
  • Меленая каляндра (ці іншая прыправа) — 1 чайная лыжка
  • Соль і перац — на смак
Неабходныя прадукты для прыгатавання лянівых галубцоў

Як гатаваць лянівыя галубцы

Крок 1. Найперш гатуем рыс. Крупы прамываем. Вады для варкі бяром удвая больш, чым рысу. Заліваем крупы халоднай вадой. Даводзім да кіпення і варым 5 — 7 хвілін. Выключаем агонь і пакідаем рыс у рондалі пад накрыўкай яшчэ на 15 хвілін.

Варым рыс

Крок 2. Пакуль варыцца рыс, падрыхтуем гародніну. Цыбулю дробна крышым. Моркву таркуем на буйной тарцы. Капусту дробна крышым ці таркуем.

Гародніна, падрыхтавана да апрацоўкі

Крок 3. На патэльню дадаем дзве лыжкі алею. Прыпускаем цыбулю да празрыстасці.

Прыпускаем цыбулю

Дадаем моркву і тушым 3 — 5 хвілін. Дадаем капусту, перамешваем і тушым пад накрыўкай да мяккасці капусты. Гэта зойме 5 — 7 хвілін. Дадаем соль і перац.

Тушым гародніну пад накрыўкай

Крок 4. У вялікай місцы змешваем ахалоджаны рыс, фарш, гародніну і каляндру. Фарміруем галубцы.

Усе паўфабрыкаты ў адной місцы

Яны могуць быць у форме шарыкаў ці катлетак. Форму для запякання змазваем алеем і выкладаем сюды лянівыя галубцы ў адзін слой.

Будучыя лянівыя галубцы і форма для іх запякання

Крок 5. Гатуем соус. Для гэтага размінаем таматы відэльцам ці блэндарам. Змешваем іх з ёгуртам і перамешваем соус.

Соус і лянівыя галубцы. Пакуль паасобку

Атрыманай сумессю заліваем галубцы. Запякаем у духоўцы пры тэмпературы 180 градусаў цягам 40 — 50 мінут.

Лянівыя галубцы ў духоўцы
Страва гатова

Пры падачы можна пасыпаць свежай зелянінай.

Лянівыя галубцы

Смачна есці!

Чытайце таксама:

Падзяліцца

Апошнія запісы

Дом быту ў Гродне прадалі на аўкцыёне з пятай спробы

Раней Дом быту на Замкавай, 4 спрабавалі прадаць ужо чатыры разы. У час аўкцыёну, які…

22 красавіка 2025

У гродзенскіх гатэлях амаль не засталося месцаў на травеньскія святы

У Threads беларус Дзяніс выказаў здзіўленне наконт таго, што ў гасцініцах і гатэлях Гродна ўсе…

22 красавіка 2025

Падключыся або зачыніся: у Гродне патрабуюць выконваць норму, якой няма ў законе

Уладальніцу гродзенскага бара аштрафавалі на 210 рублёў за парушэнне начнога рэжыму працы. Аднак у цэнтры…

22 красавіка 2025

У стогадовым доме на Горкага адкрылі «інстаграмную» кавярню

Новая ўстанова з'явілася ў старажытным доме на Горкага, 47А. Кавярня “Zолото” ужо працуе ў тэставым…

21 красавіка 2025

Прадаецца «Гарадзенская кавярня» на Маркса. Уладальнікі пераязджаюць

Уладальнікі "Гарадзенскай кавярні", якая знаходзіцца на вуліцы Маркса, 5, прадаюць установу і з'язджаюць з Гродна.…

21 красавіка 2025

На гродзенскіх пляжах ўсталююць відэакамеры. Што яшчэ новага рыхтуюць да пляжнага сезону?

Нагодай для гэтага стала абнаўленне гарадскіх пляжаў і неабходнасць абараніць іх ад вандалаў. Зараз на…

18 красавіка 2025