Навіны

Віфлеемскі агонь міру прыбыў у Гродна. Зноў не праз Брузгі, а вакольнымі шляхамі

Агонь міру, запалены ад нязгаснай лампады ў базыліцы Нараджэння Пана ў Віфлееме, прыбыў у катэдральны касцёл св. Францішка Ксаверыя ў Гродне 19 снежня. Прадстаўнікі польскага згуртавання скаўтаў ZHP перадалі агонь біскупу Аляксандру Кашкевічу, паведаміў grodnensis.by.

Як і летась, скаўты перадалі біскупа агонь не ўрачыста ў час вячэрняй імшы, а да яе. На перадачы вагню прысутнічалі ўсяго некалькі дзясяткаў чалавек.

Біскуп адзначыў, што «ў нашы сённяшнія часы жаданнем кожнага чалавека з’яўляецца тое, каб разам з гэтым святлом нашы дамы і сем'і, нашу краіну і ўвесь свет агарнуў доўгачаканы мір», «каб мы былі здольныя прабачаць адзін аднаму, падаваць руку, пазбягаць гневу і нянавісці, а думкі нашыя заўсёды былі поўныя дабрыні».

Вернікі змогуць запаліць свячу і аднесці дамой вагонь з Віфлеему штодзённа да Раства па Грыгарыянскім календары, якое адзначаецца 25 снежня.

У Мінск агонь трапіў раней, чым у Гродна

Агонь міру пачаў падарожжа па каталіцкіх парафіях Беларусі з 15 снежня. Першым касцёлам, які яго прыняў, была парафія ў Вялікай Бераставіцы. 17 снежня беларускія каталіцкія скаўты даставілі агонь у парафіі Мінска.

Раней Гродна быў першым горадам, які атрымліваў агонь міру, бо знаходзіцца бліска мяжы, а агонь перадавалі з Польшчы. З мінулага году агонь пайшоў па новым маршруце — праз пункт пропуску «Баброўнікі-Бераставіца». Гэта звязана з тым, што пункт пропуску «Кузніца-Брузгі» ўсё яшчэ закрыты ў выніку міграцыйнага крызісу.

Як Віфлеемскі агонь развозяць па свеце

Першы раз акцыю распаўсюджвання Віфлеемскага полымя арганізавалі прадстаўнікі аўстрыйскай тэлерадыёкампаніі ў 1986 годзе. Яны прывезлі лампаду з агнём з Віфлеема, каб падтрымаць хворых і самотных людзей перад святам Раства. Распаўсюдзіць агонь дапамаглі аўстрыйскія скаўты. Праз год перадсвяточная акцыя стала міжнароднай. З таго часу агонь штогод прывозяць самалётам з Віфлеема ў Вену, адкуль ён распаўсюджваецца па Еўропе.

У 1998 годзе Віфлеемскі агонь упершыню перадалі ў Беларусь, сюды ён патрапіў дзякуючы харцэрам — польскаму аналогу скаўтаў. З 2008 года распаўсюджваннем Віфлеемскага агню займаюцца беларускія каталіцкія скаўты.

Па Беларусі маршрут падарожжа Віфлеемскага агню звычайна складае каля 5000 кіламетраў. Полымя сустракаюць у 120 каталіцкіх парафіях і ва ўсіх кафедральных саборах.

Падзяліцца

Апошнія запісы

«Будзе капаць на галовы» — што гродзенцы думаюць пра новыя кветкавыя аркі на Савецкай

Гродзенцы не ацанілі новыя канструкцыі для кветак на Савецкай. У красавіку на пешаходнай вуліцы ўсталявалі…

24 красавіка 2025

Студэнта з Гродна будуць судзіць за паведамленні ў «Беларускі Гаюн»

Тры злачынствы за "экстрэмізм" распачалі супраць падлеткаў у Гродзенскай вобласці ў 2024 годзе. У тым…

24 красавіка 2025

Цэгла са слядамі пальцаў, найстарэйшая свідравіна Гродна і двор для мерапрыемстваў. Якім стане комплекс былога піўзавода Brovar Hrodna

«Такіх месцаў і ў свеце не так многа, а ў Беларусі нічога падобнага проста няма», —…

24 красавіка 2025

На могілках у Гродне з’явілася пліта расійскага салдата, які ваяваў супраць Украіны

Пліта Ведніка Леаніда Анатольевіча, які, верагодна, загінуў на вайне супраць Украіны, з'явілася ў калумбарыі на…

23 красавіка 2025

Як будзе выглядаць стогадовы дом у стылі канструктывізму на Міцкевіча пасля перабудовы: праект

Драўляны будынак у стылі канструктывізму 1930-х на Міцкевіча, 1 у Гродне перабудуюць у трохпавярховы гатэль…

23 красавіка 2025

У Гродне можна зрабіць здымак райка вока — паслуга падабаецца парам

Макраздымак райка (рус. - радужки) вока можна зрабіць у Гродне на вул. Будзённага. Закаханым прапануюць…

23 красавіка 2025