Гродзенская актывістка Вольга Бондарава паскардзілася ў Міністэрства адукацыі на праграму школьнага факультатыва, які стварылі разам ў ЮНІСЕФ «Мой псіхалагічны дабрабыт і дапамога равеснікам у крызіснай сітуацыі» для 9−11 класаў. У міністэрстве з ёй не пагадзіліся.
Праўладная актывістка паскардзілася на факультатыў пасля таго, як убачыла яго праграму. «Уражанні ад праграмы дваякае: ёсць як безумоўна станоўчыя, так і радыкальна непрымальныя для мяне моманты, некаторыя тэмы спрэчныя, могуць мець дваякую трактоўку ў залежнасці ад выкладчыка», — напісала Бондарава ў сваім Telegram-канале.
Вользе Бондаравай 39 гадоў. Яна прыцягвалася да адміністрацыйнай і крымінальнай адказнасці - за кантрабанду цыгарэт у Польшчу. Праходзіла пацярпелай па справе Васіля Пільца і Вадзіма Плаўскага. Здымала на відэа паразвешваныя ў Гродна стужкі, налепкі і сцягі, аб чым распавядала ў Telegram-канале.
Актывістка лічыць, што тэму, дзе гаворыцца пра «ніхто нікому нічога не павінен» трэба выключыць з праграмы. Меркаваннем Бондаравай, гэту фармулёўку можна трактаваць як любую «неаліберальную брыдоту, якую на захадзе называюць „нормай“».
«Заклікаю Міністэрства адукацыі пераглядзець пералік і напаўненне тэм і прадставіць на грамадскае абмеркаванне новы варыянт ЮНІСЕФаўскай ініцыятывы для беларускіх дзяцей», — падсумавала Бондарава.
У Міністэрстве адукацыі лічаць, што факультатыў накіраваны на фарміраванне такіх жыццёвых навыкаў, як камунікацыя, выказванне пачуццяў, вядзенне перамоваў, эмпатыі, магчымасці слухаць і інш. Акрамя гэтага, факультатыў павінен сфарміраваць у школьнікаў навыкі адказных паводзінаў, якія накіраваны на захаванне жыцця і здароўя.
Таксама ў міністэрстве звярнулі ўвагу, што ў Беларусі не забаронена дзейнасць Прадстаўніцтва Дзіцячага фонда ААН (ЮНІСЕФ), які на думку Бондаравай, «топіць за аднаполыя сем'і».
Чытайце таксама:
"Лідскае піва" памяняла фармат тары для брэнда KORONET Lager. Прычына ў адсутнасці патрэбнай тары -…
Гродзенскі рок-гурт 8sonca запісаў трэці музычны альбом. Музыкі прысвяцілі яго каханню і ўнутраным перажыванням. Рэліз…
Валанцёры грамадскай арганізацыі "Адданае сэрца" просяць гродзенцаў дапамагчы з мэбляй. У домік для катоў, які…
Гродзенка купіла клубніцы ў шакаладзе ад кавярні MyLoverBerry і вырашыла пакаштаваць яе на відэа. Дзяўчыну…
Вядучая "Марафону адзінства" Анастасія Кісель, студэнт года і дэлегат Усебеларускага народнага сходу, павінна была атрымаць…
Жыхара Ваўкавыска Леаніда Трафімовіча пачалі судзіць 21 студзеня. Працэс па арт. 370 КК "Здзек з…
