Двор Гродзенскага піўзавода, 2015 г. фота з архіва Андрэя Вашкевіча
На тэрыторыі гродзенскага піўзавода пачнуцца будаўнічыя работы. ТАА «МБА Інвестмент», якая займаецца рэканструкцыяй аб’екта, атрымала адпаведныя дазволы. Першы адміністрацыйна-офісны будынак прыме сваіх наведвальнікаў у сярэдзіне 2023 года, памяшканні там будуць здавацца ў арэнду. Рэканструкцыя, як і абяцалі, завершыцца ў 2024 годзе, распавёў Hrodna.life Аляксандр Заглубоцкі, намеснік дырэктара кампаніі-заказчыка.
Аўтары праекта рэканструкцыі гродзенскага піўзавода напярэдадні атрымалі станоўчае заключэнне дзяржаўнай будаўнічай экспертызы. Да гэтага яны прайшлі грамадскія слуханні і ўзгаднілі праект з Міністэрствам культуры.
Зараз вядуцца падрыхтоўчыя працы і перамовы з падрадчыкамі, якія будуць займацца будаўніцтвам.
Для пачатку працоўныя агародзяць месца будаўніцтва. У найбліжэйшы час на агароджы з’явяцца банеры з інфармацыяй аб аб’екце. Яна пакажа, як будзе выглядаць комплекс пасля рэканструкцыі, раскажа пра гісторыю комплексу.
Адна з першых задач — дэмантаваць будынкі, якія знаходзяцца ў аварыйным стане і не з’яўляюцца гісторыка-культурнай каштоўнасцю. Дэмантаж пачнуць у кастрычніку, пасля рэгістрацыі аб’екта ў Дзяржбуднаглядзе. На месцы аднаго з будынкаў у тых жа габарытах ўзвядуць новы, захаваўшы пад ім старадаўнія падвалы. Таксама будуць пракладзены інжынерныя сеткі для забеспячэння будоўлі электраэнергіяй.
Гэты першы аб’ект — двухпавярховы адміністрацыйна-офісны будынак — запусцяць да сярэдзіны 2023 года. У гістарычных падвалах плануецца размяшчэнне музейнай экспазіцыі, прысвечанай гісторыі Гродна і піўзавода.
Маштабныя работы на тэрыторыі піўзавода плануюцца з кастрычніка 2022. Акрамя офіснага будынка, рэканструююць два гістарычныя. У планах заказчыка рэалізаваць праект да 2024 года, распавёў Hrodna.life Аляксандр. Магчыма, застануцца толькі працы па прылеглай тэрыторыі.
На кожным этапе за будаўніцтвам будуць сачыць навуковыя супрацоўнікі, атэставаныя Мінкультам. Аб’ект некалькі разоў рэканструяваўся і мяняў сваё прызначэнне, прычым кардынальна — на розных этапах быў палацам, складам, заводам. У выніку комплексных гістарычных даследаванняў было высветлена, да якіх перыядаў адносіцца тая ці іншая частка комплексу. Аляксандр падкрэслівае, што аб’ект рэканструююць не як былы палац Агінскіх, а як прамысловы аб’ект — зыходзячы з яго статусу гісторыка-культурнай каштоўнасці.
У памяшканні гродзенскага піўзавода з’явіцца міні-бровар, паб з крафтавым півам і музей піва. Варэнне ў прамысловых маштабах не плануюць. Частку памяшканняў здадуць у арэнду пад офісы ці гандаль.
Чытайце таксама:
Новы сувенір у выглядзе "раскладанкі" са знакавымі аб'ектамі Гродна ствараюць улады. Яго выканаюць у выглядзе…
Некалькі сотняў Дзядоў Марозаў, Снягурак, сабачак, вавёрачак і разнастайных іншых персанажаў 20 снежня прайшлі ад…
Трохпакаёвая кватэра знаходзіцца на вуліцы Савецкіх Пагранічнікаў. Сцены ў ёй абвешаныя рэпрадукцыямі, дзвярныя праёмы выкананы…
Спецыяльнае праграмнае забеспячэнне для сачэння за актыўнасцю ў камп'ютарах закупляе Гродзенскае агенцтва па дзяржаўнай рэгістрацыі…
У Гродне рэканструююць тэрыторыю, прылеглую да вадаёма па вул. Рэпіна. Там жа ўладкуюць дзіцячую інклюзіўную…
У Гродне адкрылася выстава, прысвечаная мясцоваму ўраджэнцу мастаку Льву Баксту. Экспазіцыю размясцілі ў харальнай сінагозе,…