Аналітык Беларускага інстытута стратэгічных даследаванняў Аляксей Аўдонін на АНТ палічыў, колькі, на яго думку, Польшча павінна Беларусі за час акупацыі беларускай тэрыторыі ў пачатку мінулага стагоддзя.
Аўдонін звярнуў увагу на нядаўна агучаны намер польскіх уладаў атрымаць рэпарацыі ад Нямеччыны за Другую сусветную вайну. Па яго словах, калі зыходзіць з працягласці акупацыі, палякам прыйдзецца заплаціць Беларусі значна больш, чым яны хочуць атрымаць ад ФРГ.
«Калі мы гаворым пра рэпарацыі… Сейм Польшчы прыняў рашэнне аб выстаўленні рэпарацый Германіі, памер іх польскімі палітыкамі ацэньваецца ў 1,3 трыльёна долараў. Але гэта за фактычна пяць гадоў акупацыі. А калі браць увесь перыяд [акупацыі палякамі Заходняй Беларусі] - крыху больш за 17 гадоў, атрымліваецца, што яны нам павінны блізу 5 трыльёнаў долараў», — упэўнены ён.
Да гэтага «прад'яўляць рахунак палякам» прапаноўваў былы дэкан філасофскага факультэта БДУ, прапагандыст Вадзім Гігін. Ён лічыць, што рэпарацыі варта патрабаваць за штучнае затарможванне развіцця Заходняй Беларусі, выпампоўванне сельскагаспадарчых рэсурсаў, паніжаную аплату работнікам і шкоду культурным помнікам — закрыццё праваслаўных цэркваў, знішчэнне школ, газет, стварэнне канцлагера ў Бярозе-Картузскай.
Тэму рэпарацый ад Германіі 1 верасня падняў лідар кіруючай у Польшчы кансерватыўнай партыі «Права і справядлівасць» Яраслаў Качыньскі. Спецыяльна створаная камісія вызначыла суму ў 6,2 трлн польскіх злотых (блізу 1,32 трлн долараў). У 2019 годзе прадстаўнікі партыі казалі пра суму ў 850 млрд долараў.
У Германіі ж пытанне выплат за злачынствы нацыянал-сацыялістаў пад час Другой сусветнай вайны лічаць вычарпаным.
Чытайце таксама:
- Агрессия в очереди, игнор пограничников, отчаявшиеся велосипедисты. Что происходит на границе с Польшей, где выезда ждут больше 2000 авто
- Люди в расцвете сил. Сколько белорусов сейчас работает в Польше
- Власти ликвидируют еще одну крупную польскую организацию. Ранее ее наказали штрафами на 800 000 рублей
- Разрушили еще одно кладбище солдат Армии Крайовой. На этот раз в Гродненском районе
