За тэхагляд змогуць штрафаваць па камерах: дыягнастычныя станцыі сфармуюць базу дадзеных

Міністэрства транспарту і камунікацый зацвердзіла Палажэнне аб патрабаваннях да дыягнастычных станцый. Адпаведная пастанова ад 26 жніўня 2022 г. № 79 вызначае арганізацыйна-тэхнічныя і тэхналагічныя патрабаванні да дыягнастычным станцыях. Сярод іх — абавязак станцый арганізаваць анлайн-запіс на праходжанне тэхагляду, магчымасць дыстанцыйнай аплаты праз АРІП і стварэнне базы дадзеных з пройдзенымі тэхаглядамі.

Па выніках правядзення дзяржтэхагляду на дыягнастычных станцыях павінны будуць фарміраваць інфармацыйны масіў дадзеных, які змяшчае:

  • інфармацыю аб транспартных сродках, прадстаўленых на дзяржтэхагляд, выніках кантрольна-дыягнастычных работ (у тым ліку пратаколы вымярэнняў);
  • вынікі фотафіксацыі транспартных сродкаў і іх рэгістрацыйных знакаў, вынікі выдачы дазволаў.

Згодна з пастановай, можа быць арганізавана праца і мабільных дыягнастычных станцый. Дакумент замацоўвае абавязковыя элементы, якія там павінны быць.

Пастанова № 79 уступае ў сілу з 22 верасня 2022 г.

«Лісты шчасця» за тэхагляд абяцалі яшчэ ў 2021

Базу дадзеных з тэхаглядамі аўтамабіляў у тым ліку можна будзе перадаць аператару камер фотафіксацыі на дарогах. Такім чынам з’явіцца магчымасць рэалізаваць тое, што анансавалі яшчэ ў пачатку 2021 года — «лісты шчасця» са штрафамі будуць прыходзіць не толькі за перавышэнне хуткасці, але і за адсутнасць тэхагляду. З пачатку 2021 года ў «Белтэхаглядзе» адзначалі ажыятаж на праходжанне тэхагляду. З 1 студзеня ў Беларусі скасавалі дзяржаўнае мыта за выдачу дазволу на допуск транспартнага сродку да ўдзелу ў дарожным руху. Замест яе ўвялі транспартны падатак, выплата якога больш не прывязаная да тэхагляду. Пазней высветлілася, што хоць згодна са змененым КаАП, прынятым у сакавіку 2021 года, «ліст шчасця» можна атрымаць за любое парушэнне «супраць бяспекі руху і эксплуатацыі транспарту», тэхнічна такой магчымасці яшчэ няма.

«Мы разлічваем, што ў гэтым годзе ў поўнай меры запрацуюць камеры фота- і відэафіксацыі правапарушэнняў, якія будуць перадаваць у ДАІ інфармацыю аб транспартных сродках, якія не прайшлі дзяржтэхагляд», — папярэдзілі ў «Белтэхагляд» у пачатку 2022. Наяўнасць або адсутнасць тэхагляду на дадзены момант правяраюць толькі ў тых машын, якія ўжо трапілі на камеру як парушальнікі хуткаснага рэжыму. Штраф атрымлівае ўладальнік транспартнага сродку.

Якая зараз сітуацыя з тэхаглядамі

З пачатку года ў Гродзенскай вобласці інспектары ДАІ выявілі 2069 кіроўцаў, якія ездзілі без тэхагляду, расказалі на «Гродна Плюс». Сярод іх 367 кіроўцаў аказаліся «паўторнікамі» — такое парушэнне ўжо выяўлялі ў іх на працягу года.

Чытайце таксама:

Падзяліцца

Апошнія запісы

«Будзе капаць на галовы» — што гродзенцы думаюць пра новыя кветкавыя аркі на Савецкай

Гродзенцы не ацанілі новыя канструкцыі для кветак на Савецкай. У красавіку на пешаходнай вуліцы ўсталявалі…

24 красавіка 2025

Студэнта з Гродна будуць судзіць за паведамленні ў «Беларускі Гаюн»

Тры злачынствы за "экстрэмізм" распачалі супраць падлеткаў у Гродзенскай вобласці ў 2024 годзе. У тым…

24 красавіка 2025

Цэгла са слядамі пальцаў, найстарэйшая свідравіна Гродна і двор для мерапрыемстваў. Якім стане комплекс былога піўзавода Brovar Hrodna

«Такіх месцаў і ў свеце не так многа, а ў Беларусі нічога падобнага проста няма», —…

24 красавіка 2025

На могілках у Гродне з’явілася пліта расійскага салдата, які ваяваў супраць Украіны

Пліта Ведніка Леаніда Анатольевіча, які, верагодна, загінуў на вайне супраць Украіны, з'явілася ў калумбарыі на…

23 красавіка 2025

Як будзе выглядаць стогадовы дом у стылі канструктывізму на Міцкевіча пасля перабудовы: праект

Драўляны будынак у стылі канструктывізму 1930-х на Міцкевіча, 1 у Гродне перабудуюць у трохпавярховы гатэль…

23 красавіка 2025

У Гродне можна зрабіць здымак райка вока — паслуга падабаецца парам

Макраздымак райка (рус. - радужки) вока можна зрабіць у Гродне на вул. Будзённага. Закаханым прапануюць…

23 красавіка 2025