На Фолюшы зноў прадаюць будынкі былой вайсковай часткі. Цану знізілі ў некалькі разоў

Два будынкі былой вайсковай часткі на Фолюшы плануюць прадаць з аўкцыёна 7 верасня 2022 года, паведаміў Гродзенскі цэнтр нерухомасці. Там могуць з’явіцца ўстановы грамадскага прызначэння. Аўкцыён па продажы гэтых пабудоваў ужо праводзілі вясной 2022 года, але тады прадаць будынкі не атрымалася.

Будынак які плануюць прадаць на вул.Фолюш 15/22. Крыніца: gcn.by

Якія будынкі прадаюць

Двухпавярховы будынак па адрасе вул.Фолюш 15/22 плошчай 683,5 кв.м хочуць прадаць за 54 тыс. рублёў. Вясной 2022 года гэты будынак планавалі прадаць амаль за 120 тыс. рублёў. Плошча ўчастка на якім размяшчаецца пабудова — 0,2629 га.

Цагляны будынак — нежылы, пабудаваны да 1917 года. У ім ёсць цэнтральнае ацяпленне і электразабеспячэнне, а таксама каналізацыя і водазабеспячэнне. Але ўсе гэтыя сістэмы няспраўныя і не функцыянуюць.

Другі будынак размяшчаецца па адрасе вул.Фолюш 15/17. Ён двухпавярховы, яго плошча 514,1 кв.м. Яго хочуць прадаць за 47,7 тыс. рублёў. Восенню 2021 года гэты будынак планавалі прадаць за 183,3 тыс. рублёў. Плошча ўчастка, на якім размяшчаецца будынак — 0,2901 га.

Цагляны будынак — нежылы, яго пабудавалі ў 1916 годзе. Як і ў выпадку з папярэднім будынкам, ёсць цэнтральнае ацяпленне, электразабеспячэнне і водазабеспячэнне, а таксама каналізацыя. Але ўсе гэтыя сістэмы няспраўныя і не функцыянуюць.

Якія ўмовы аўкцыёна

Новы ўладальнік павінен будзе на працягу аднаго года распрацаваць план рэканструкцыі і рамонту будынкаў. Увесці пабудовы ў эксплуатацыю не пазней чым праз тры гады. Таксама варта захаваць параметры будынка і яго канструкцыйныя, архітэктурныя і стылістычныя асаблівасці.

Побач з будынкамі ўжо будуюць новы мікрараён

Новы мікрараён на месцы закінутага ваеннага гарадка № 15 на Фалюшы пачалі будаваць вясной 2022 года. Новабудоўлі з’явяцца ў раёне вуліц Соламавай, Фолюш, Хвойнай і ракі Ласасянкі. Забудоўшчык плануе максімальна захаваць дрэвы і зменіць канфігурацыю некаторых дамоў з улікам апытання жыхароў новых дамоў на Лідскай.

Усяго там пабудуюць 17 жылых дамоў агульнай плошчай 138,3 тысяч кв. метраў. У іх будзе 1002 трохпакаёвых, 845 двухпакаёвых і 145 аднапакаёвых кватэр. Мяркуюць, што пасля здачы ў эксплуатацыю раёна там будзе жыць 5,2 тысяч чалавек.

Чытайце таксама: Храм у спартзале і прытулак для коцікаў. Як зараз выглядае былы вайсковы гарадок на Фолюшы, які хутка знікне

Падзяліцца

Апошнія запісы

Гронкі кветак, люстэркі і ружовае футра. У Гродне з’явіліся вясновыя фотазоны

Пакуль сады толькі заквітнеюць, ва ўстановах і крамах Гродна падрыхтавалі вясновыя фотазоны. Часта гэта гронкі…

2 красавіка 2025

Старадаўнія падвалы ў цэнтры Гродна прыцягваюць бізнес. Калі памяшканні можна выкарыстоўваць у камерцыйных мэтах?

На Савецкай вуліцы каля 80% падвалаў задзейнічаны пад бізнес, прыводзіць статыстыку газета “Гродзенская праўда”. Пры…

1 красавіка 2025

У Гродне адкрыецца школа барыста — арганізатары хочуць, каб ва ўстановах варылі якасную каву

Уладальнікі гродзенскіх кавярань «Крепкий белый» і «Крепкий черный» запускаюць школу барыста. Летась арганізатары ўжо праводзілі…

1 красавіка 2025

Гродзенец стварыў дакладную копію Фарнага касцёла ў мініяцюры — і друкуе фігуркі на 3D-прынтары

Гродзенец Ігар Апякун канструюе мэблю для круізных лайнераў - стварае прататыпы праз спецыяльную праграму. Ігар…

31 сакавіка 2025

Блогер-гісторык Яўген Аснарэўскі выдаў турыстычны даведнік па Гродне з аўтарскімі маршрутамі

Кніга «Удивительный Гродно» Яўгена Аснарэўскага выйшла ў мінскім выдавецтве «Рыфтур». Даведнік разлічаны і на турыстаў,…

31 сакавіка 2025

У Гродна прыйшоў новы трэнд — ранішнія рэйвы ў кавярнях

Як мінімум дзве гродзенскія кавярні, My Lover Berry і «Крепкий белый», вырашылі апрабаваць новы фармат…

31 сакавіка 2025