Вечарынка ў стылі БДСМ пройдзе 30 ліпеня ў гродзенскім бары “Absolem”. Наведвальнікаў чакае дрэс-код, конкурсы, дыджэі. Уваход – толькі для паўналетніх.
Арганізатары просяць выконваць дрэс-код. Вітаюцца латекс і скура. Галоўны атрыбут – чырвоны або чорны колеры. Наведвальнікі ў адпаведным дрэс-кодзе атрымаюць камплімент ад бара.
У праграме абяцаюць “атмасферу” і конкурсы. Выступяць дыджэі DA YOU LIN YARIK JR і DIANA ADVOKAT з Мінска.
Праз рэпост у Instagram можна было выйграць бясплатны ўваход, кактэйль і “вельмі гарэзлівы наборчык”.
Што, дзе, калі?
Дзе: бар “Absolem”, вул. Урыцкага, 5
Калі: 30 ліпеня, 23: 00-07: 00
Колькі: 5 рублёў з рэпостам, без рэпосту – 10 рублёў
БДСМ і Гродна
БДСМ – псіхасэксуальныя практыкі, заснаваныя на абмене ўладай.
У 2017 годзе ў Гродне прайшла «Loshadka Раrty», на якой у вобразах гасцей былі прадстаўлены касцюмы і атрыбутыка гэтай культуры. Таксама ў Гродне тры месяцы праіснавала адзіная ў Беларусі BDSM студыя. Студыяй зацікавіліся спрактыкаваныя аматары BDSM і пачаткоўцы, а таксама — праваахоўныя органы і мясцовая ўлада. У выніку студыя пераехала ў сталіцу.
