Хімвалакно. Фота:"Гродзенскі хімік"
Былы работнік прадпрыемства філіял «Завод Хімвалакно» ААТ «Гродна Азот» у чаце «Соседи 5 — 6» у «Viber» абразіў і абгаварыў Аляксандра Лукашэнку. У дачыненні да яго распачалі дзве крымінальныя справы — паводле арт. 367 ч. 1 «Паклёп у дачыненні да Прэзідэнта Рэспублікі Беларусь» і арт. 368 ч. 1 КК «Абраза прэзідэнта Рэспублікі Беларусь». Пра гэта распавялі падчас адзінага дня інфармавання ў філіяле «Завод Хімвалакно», паведамілі у карпаратыўным выданні «Гродзенскі хімік».
Дадзеныя супрацоўніка і абставіны, пры якіх яго звольнілі, не назвалі.
Работнікаў прадпрыемства папярэдзілі аб крымінальнай і адміністрацыйнай адказнасці. Прадстаўнікі адміністрацыі ўдакладнілі, што знаходжанне пад адміністрацыйным арыштам не з’яўляецца ўважлівай прычынай адсутнасці на працы, гэта значыць, з’яўляецца прагулам. А скасаванне кантракту па ініцыятыве наймальніка за прагул абмяжуе працаўладкаванне на новым месцы.
Прадстаўнікі адміністрацыі закранулі тэмы паводзінаў у сацыяльных сетках, звярнулі ўвагу на спіс экстрэмісцкіх матэрыялаў і растлумачылі, што лічыцца распаўсюджваннем экстрэмісцкай інфармацыі.
— У 2020 годзе 11 хімікаў звольнілі за прагулы, дваіх — за парушэнне працоўнай дысцыпліны і прычыненне шкоды прадпрыемству. У розны час яны напісалі заяву аб далучэнні да стачкі. Суд прызнаў гэтае рашэнне законным.
— 13 затрыманых стачкамаўцаў і завадчан «Гродна Азот», Беларускага металургічнага завода, Беларускай чыгункі і «Нафтана» знаходзяцца ў СІЗА КДБ. Распачата справа па некалькіх артыкулах Крымінальнага кодэкса. Сярод іх — здрада дзяржаве і стварэнне экстрэмісцкага фармавання.
— Раней першасную арганізацыю Беларускага Незалежнага прафсаюза работнікаў ААТ «Гродна Азот» прызналі экстрэмісцкай. Гродзенскі абласны суд таксама прыняў рашэнне аб забароне дзейнасці арганізацыі і яе ліквідацыі.
Трохпакаёвая кватэра знаходзіцца на вуліцы Савецкіх пагранічнікаў. Сцены ў ёй абвешаныя рэпрадукцыямі, дзвярныя праёмы выкананы…
Спецыяльнае праграмнае забеспячэнне для сачэння за актыўнасцю ў камп'ютарах закупляе Гродзенскае агенцтва па дзяржаўнай рэгістрацыі…
У Гродне рэканструююць тэрыторыю, прылеглую да вадаёма па вул. Рэпіна. Там жа ўладкуюць дзіцячую інклюзіўную…
У Гродне адкрылася выстава, прысвечаная мясцоваму ўраджэнцу мастаку Льву Баксту. Экспазіцыю размясцілі ў харальнай сінагозе,…
Маршрут праз усю Беларусь запусціла гродзенская фірма "Пазітыў-тур". Шлях з Гродна ў Віцебск складзе амаль…
Гродзенскі блогер і краязнаўца Яўген Аснарэўскі прадставіў першую канцэпцыю рэканструкцыі палаца роду Пшаздзецкіх. Калі б…